ورتالىقتىڭ تەلەكوممۋنيكاتسيالىق جۇيەسى جەلىدەگى ابونەنتتەردىڭ اۋديوۆيزۋالدى ءوزارا ءىس-ارەكەتىن جانە «Family Clinic» ماماندارى مەن شەتەلدىك تار بەيىندى مامانداردىڭ پاتسيەنتتەرمەن، سونداي-اق، زەرتتەۋگە بەرىلەتىن بارلىق قۇجاتتارمەن بىرلەسكەن جۇمىسىن قامتاماسىز ەتەدى.
بۇل بەينەكونفەرەنتسيالىق كەشەننىڭ قۇرامىنا وزىق قۇرال-جابدىقتارمەن جاراقتالعان باسقارۋ ورتالىعى، جاعداياتتىق بولمە، زەرتحانا، دياگنوستيكالىق جانە رەنتگەن-كابينەتتەر كىرەدى. «حالىقتىڭ دەنساۋلىعىن قورعاۋ - مەملەكەت باسشىسى بەلگىلەپ بەرگەن نەگىزگى باسىمدىقتاردىڭ ءبىرى جانە ءبىزدىڭ ەلوردامىزدا مەديتسينالىق كلاستەر قالىپتاسىپ كەلەدى.
رەسپۋبليكانىڭ ەڭ وزىق مەديتسينالىق ورتالىقتارى وسىندا ورنالاسقان. قازىر ءبىز استانادا دەنساۋلىق ساقتاۋ سالاسىن ارى قاراي دامىتۋ باعدارلاماسىن ازىرلەپ جاتىرمىز. جاقىندا تۋبەركۋلەزدەن ەمدەۋ اۋرۋحاناسى، «جەدەل جاردەم» ورتالىعى اشىلادى. دەنساۋلىق ساقتاۋ سالاسىنا جەكە ينۆەستيتسيالار سالىنىپ، كاسىپكەرلەردىڭ وسىنداي ماڭىزدى جوبالارعا قارجى قۇيۋعا دايىن ەكەندىگى قۋانتادى»، - دەپ ءمالىم ەتتى جوبانىڭ تانىستىرىلىمى بارىسىندا استانا اكىمى اسەت يسەكەشەۆ.