ءانشى، ءتىپتى، قىرىق كۇندەي تۇرمەدە وتىردى. ءالى كۇنگە دەيىن جابىرلەنۋشى تاراپقا قارىزىن تولىق بەرىپ ۇلگەرمەگەن ەكەن. دەسە دە، كۇش جيناپ كەلگەن ءانشى تىڭدارماندارىنا ەرەكشە توسىن سىي ازىرلەپ ءجۇر ەكەن.
بۇل تۋرالى «ايەل باقىتى» باعدارلاماسىندا ايتىپ بەردى.
جۇلدىزداردى جاققان Superstar جوباسىنىڭ شوۋ-بيزنەس سىنىنا شىداپ، قاتاردان قالماعاندارى ساحنادا ءجۇر. العاشىندا بۇل بايقاۋدا 16 مىڭ ءوتىنىمنىڭ ىشىنەن 5563 ى ىرىكتەلىپ، ارتىنشا 100 ى الماتىعا جولداما العان بولاتىن. اتالعان جوباعا 2005 -جىلى ەرمەك مەدەنوۆ تە قاتىسقان ەدى.
Superstar جوباسىنىڭ ەستە قالارلىق ءبىر تۇلەگى قايرات تۇنتەكوۆتىڭ بىرنەشە جىل بۇرىن باسى داۋعا قالعان-دى. ول جۇرت پەن ب ا ق وكىلدەرى تاراپىنان قولداۋ تاپپاعان سوڭ، ساحنادان كەتۋگە ءماجبۇر بولدى. ءانشىنىڭ ءوزى ءالى كۇنگە دەيىن جۋرناليستەرگە رەنجىپ جۇرگەنىن جاسىرمايدى.
«ونەر جولىن تاڭداعانىما ەش وكىنبەيمىن. كەرىسىنشە، قۋانىشىم شەكسىز. العاشىندا Superstar جوباسىنا وتە المادىم. ءبىراق، ەكىنشى رەت تالاپتانىپ بارعانىمدا جەڭىسكە جەتتىم. ەش وكىنىش جوق. جوبا بارىسىندا قولىمىزدا ناشار تەلەفون بولسا دا، ءبىر-بىرىمىزگە داۋىس بەرەتىن ەدىك. ال جەكە كونسەرت بەرۋ جوسپاردا بار. ءۇنتاسپا ازىرلەپ جاتىرمىن. بۇيىرسا، قازاقستان بويىنشا تۋر ۇيىمداستىرماقپىن»، - دەيدى قايرات تۇنتەكوۆ.