ولاي دەيتىنىم، د. قونايەۆتىڭ تالايىمىز وقىپ تامسانعان «ءوتتى داۋرەن وسىلاي» دەپ اتالاتىن كىتابىندا (40-بەت) مىناداي جولدار بار:
...1939 -جىلعى شىلدەدە ناگرادتالعانداردىڭ ءبارى ماسكەۋگە، كرەملدەگى ايگىلى سۆەردلوۆ زالىنا شاقىرىلدى. ناگرادانى م. ي. كالينين تاپسىردى. زالداعى كوڭىل-كۇي سالتاناتتى ءارى كوتەرىڭكى بولدى.
- ناگرادتالعانداردىڭ ىشىنەن بالكىم بىرەۋ سويلەگىسى كەلەر؟ - دەپ سۇرادى كالينين.
- مەن! - دەدى شىمكەنتتىك مەتاللۋرگ ورنىنان اتىپ تۇرىپ جانە سول بويدا مىنبەگە قاراي شاپشاڭ ءجۇرىپ بارا جاتتى. مەنىڭ جەرلەسىم كالينين اقساقالدىڭ قازاقشا بىلمەيتىنىنە ءمان بەرگەن جوق. ونىڭ ءسوزىن كالينين زەيىن قويا مۇقيات تىڭداپ، باسىن يزەپ وتىردى. سونان سوڭ:
- وسى ءسوزدىڭ اۋدارماسىن تىڭداساق بولار ەدى؟ - دەدى.
مەن ءبىرىنشى قاتاردا وتىرعانمىن. كالينيننىڭ ءوتىنىشىن ەستىگەن بويدا ورنىمنان تۇرىپ، ۇستەلگە جاقىندادىم. مەتاللۋرگتىڭ جالىندى سوزدەرىن ورىسشاعا اۋدارىپ بەردىم. بالقاشتىقتار ميحايل يۆانوۆيچپەن فوتوسۋرەتكە تۇستىك. ول ازىلدەپ: «وي، وزدەرىڭ قانداي كوپسىڭدەر! ءبىراق ازىرگە مىستى كەمدەۋ بەرىپ جاتىرسىڭدار»، - دەدى. مەنى جاقىن تارتىپ، قاسىنا وتىرعىزدى.
مىنە، وسى ەپيزود- كورىنىستەن سول كەزدەگى ادامداردىڭ شىنايىلىعى جانە باتىلدىعى اڭعارىلادى.
ال، قازىرگىلەردە جاساندىلىق باسىم. كىمنەن، نەدەن قايمىعاتىنىن قايدام؟ باسشىسى دا قوسشىسى دا كەز كەلگەن القالى جيىندا ءبىر-ەكى اۋىز قازاقشا باستايدى دا، ارتىنان ورىسشا سارناي جونەلەدى. اشىپ ايتپاعانىمەن قاراسى باسىم قازاقى جۇرتتىڭ كوڭىلىندە رەنىش پەن كىربىڭ قالادى.
ءا. ماحانبەت.
almaty-akshamy.kz