پرەمەر- مينيستر بيشىمبايەۆقا سوزدەن ىسكە كوشۋگە بۇيىردى
ۇلتتىق ەكونوميكا ءمينيسترى ۇكىمەت وتىرىسى بارىسىندا باسەكەلەستىكتى قورعاۋ سالاسىنداعى مەملەكەتتىك رەتتەۋدىڭ جاڭا تاسىلدەرى تۋرالى بايانداعان بولاتىن، دەپ حابارلايدى قازاقپارات.
ونىڭ ايتۋىنشا، قازاقستاندا ە ى د ۇ- نىڭ ستاندارتتارىنا سايكەس كەلەتىن مونوپولياعا قارسى زاڭناما بار، ءبىراق باسەكەلەستىكتىڭ دەڭگەيى تومەن قالۋدا. ۆەدومستۆو دەرەكتەرى بويىنشا سەبەپتەردىڭ ءبىرى كوبىنەسە باسەكەلەستىكتىڭ بازالىق قاعيداتتارىنا قايشى كەلەتىن سالالىق زاڭناما نورمالارىمەن بايلانىستى.
«ناتيجەسىندە، بازالىق نارىقتاردا باسەكەلەستىكتىڭ زاڭدى نەگىزدەردە دامۋى ءۇشىن جاڭا سۋبەكتىلەردىڭ كىرۋى ءۇشىن ەڭسەرىلمەيتىن اكىمشىلىك، ەكونوميكالىق، تەحنيكالىق جانە باسقا توسقاۋىلدار جاسالعان»، - دەدى مينيستر. «وسى رەتتە، سالالاردىڭ قۇرىلىمىن وزگەرتۋگە جانە باسەكەلەستىكتى دامىتۋعا باعىتتالعان سالالىق زاڭدارعا وزگەشە «ريەۆيزيا» جۇرگىزۋ قاجەت. ءسوزسىز، بازالىق سالالاردىڭ رەفورمالانۋى تالاپ ەتىلەتىندىكتەن، بۇل جۇمىستى بىرتىندەپ ورىنداۋ كەرەك. بۇل باسەكەلەستىك قاعيداتتارىنا قايشى كەلەتىن نورمالار مەن ەرەجەلەردى الىپ تاستاۋ نە قاراپايىم رەتتەۋدىڭ ترانستپارەتتىلىگى مەن اشىقتىعىن قامتاماسىز ەتۋ بولادى.
قازاقستاندا جۇك جانە جولاۋشىلار تاسىمالى، اۆياتاسىمالدار، ەلەكتر ەنەرگەتيكاسى، كومىر ونەركاسىبى، مۇناي ونىمدەرىن وڭدەۋ جانە ونىمەن جابدىقتاۋ جانە قانت ءوندىرىسى سياقتى بازالىق نارىقتاردا 3-4 ءىرى ۇستەم قۇرىلىمدار ارەكەت ەتەدى. تۇتاستاي العاندا، باسەكەلەس ورتاداعى اعىمداعى جاعدايدى نارىقتاردىڭ ساقتالاتىن وليگوپوليالىق قۇرىلىمى رەتىندە سيپاتتاۋعا بولادى»، - دەپ حابارلادى بيشىمبايەۆ.
«جالپى مينيستر ءوزىنىڭ بايانداماسىندا بارلىق ماسەلەنى قامتىعان، ءبىراق ماعان وندا «مۇمكىن ۋاقىتى كەلدى» دەگەن ءسوز ۇناماي وتىر. بۇل سوزدەن سەستەنىپ وتىرمىن. سىزدەردىڭ مينيسترلىك ماڭىزدى بىردەڭە اتقارادى ما، جوق پا؟ ويلانباي، ارەكەت ەتۋ كەرەك»، - دەدى ساعىنتايەۆ ۇكىمەت وتىرىسى بارىسىندا.
«مەملەكەت باسشىسى اشىق باسەكەلەستىكتى دامىتۋدى، انتيمونوپوليالىق ورگاننىڭ قۇزىرىن كۇشەيتۋدى تاپسىردى. ول جاسالدى. سىزگە بارلىق قۇزىر بەرىلدى. سىزدەر بۇگىن قازاقستاندا ە ى د ۇ- نىڭ ستاندارتتارىنا سايكەس كەلەتىن مونوپولياعا قارسى زاڭناما بار ەكەندىگىن حابارلادىڭىزدار. وندا ىسكە كىرىسىڭىزدەر. كومىر بويىنشا پروبلەما بار دەپ بىزگە انىق نارسەلەردى ايتىپ وتىرسىز. بۇگىن عانا ءبىلدىڭىز بە؟! ول باياعىدا بەلگىلى بولعان نارسە. نەگە جۇمىس ىستەمەيسىزدەر، نەگە ارەكەت ەتپەيسىزدەر. ەلەكتر ەنەرگياسىنان وسىنداي جاعداي ەكەنىن جاڭا بىلدىڭىزدەر مە؟! ونىڭ بارلىعى قالاي ساتىپ الىناتىنىن، قالاي وتكىزىلەتىندىگىن ادامدار بىلەدى»، - دەدى ساعىنتايەۆ.
اۆتور: جاسۇلان جولدىبايەۆ