بايقاۋعا الەمنىڭ ءتۇرلى ەلدەرىنەن ءتورت جاستان 35 كە دەيىنگى ارالىقتاعى 120 مودەل قاتىستى. سالتاناتتى ماراپاتتاۋ ءراسىمى 5- قاراشادا استانا قالاسىندا ءوتتى.
27 جاستاعى پارۆينا سايدوۆا - بەس بالانىڭ اناسى، تاجىك ۇلتتىق كيىمىن ورتالىق ازيا جانە ەۋروپا مىنبەرلەرىندە تالاي مارتە تانىستىرعان.
وسىدان ەكى جىل بۇرىن ول ءسان الەمىنەن حابارسىز ەدى. سۇلۋ قىزدى تاجىك ديزاينەرى حۋرشەد ساتتوروۆ بايقاپ قالعان.
پارۆينا سايدوۆا ول كەزدە بالا تاربيەسىمەن عانا اينالىساتىن ەدى.
ونىڭ الەۋمەتتىك جەلىلەردەگى سۋرەتتەرىن بايقاعان جۇرت پارۆينانى جارناماعا، كليپكە، فيلمگە تۇسۋگە شاقىرا باستادى. پارۆينا ءوزىنىڭ تانىمالدىلىعىنىڭ قۇپياسى - بەس بالانى دۇنيەگە اكەلسە دە، سۇلۋ قالپىندا ساقتالعانىندا دەپ بىلەدى.