باسپا ءسوز مالىمەتتەرىنە قاراعاندا، «قورداي» باقىلاۋ-وتكىزۋ بەكەتىنىڭ شەكارا وتريادى «بىشكەك - شىمكەنت» باعىتىندا كەلە جاتقان جولاۋشىلار اۆتوبۋسىنا شەكارالىق باقىلاۋ جاساۋ كەزىندە ودان 2 تاپانشا مەن ونىڭ توعىز پاترونىن وتكىزۋگە تىرىسقانداردىڭ ايلاسىن اشكەرەلەدى.
ينسپەكتسيوندى-تەكسەرۋ قۇرىلعىسى جولاۋشىلاردىڭ زاتتارىن قاراۋ كەزىندە تەلەديداردىڭ قابىرعاسىنا جاپسىرىلىپ تۇرعان بوتەن زاتتى انىقتادى. شەكاراشىلارمەن بىرگە جۇرگەن قىزمەتتىك ءيت تە وق-ءدارىنىڭ ءيىسىن سەزدى. تەلەديداردى اشىپ قاراعاندا ونىڭ ارتقى قابىرعاسىنا ۇقىپتى جاپسىرىلعان ماكاروۆ تاپانشاسى مەن وعان ارنالعان 9 پاترون تابىلدى. اۆتوبۋس جۇرگىزۋشىسىنىڭ سوزىنە قاراعاندا، ، تەلەديدار الدەكىمنىڭ «سالەمدەمەسى» كورىنەدى.