قازاقستانداعى ەڭ ءىرى جەر يەلەنۋشىلەر كىمدەر؟

استانا. قازاقپارات -  قازاقتىڭ كەڭ-بايتاق دالاسىندا «يەن جاتقان جەرلەردە كىمدەردىڭ قانشا ۇلەسى بار»، دەگەن سۇراق ءار ادامنىڭ كوكەيىندە بار ەكەنى بەلگىلى.

بۇل ساۋالعا جاۋاپ رەتىندە قازاقستانداعى ەڭ ءىرى جەر يەلەنۋشىلەردىڭ ءتىزىمىن Кorrespondent.kz سايتى جاريالادى.

1- ورىندى ەڭ ءىرى، تانىمال جەر يەلەنۋشى «يۆولگا-حولدينگ» كومپانياسىنىڭ يەسى ۆاسيلي روزينوۆقا بەرۋگە بولادى. ونىڭ يەلىگىندە 1,5 ميلليون گەكتار جەر بار.

بۇل ورايدا «ءالىبي-حولدينگ» تە ارىپتەسىنەن قالىسار ەمەس. ونىڭ قۇرىلتايشىسى نۇرلان تلەۋبايەۆتىڭ قاراماعىنداعى جەردىڭ اۋماعى 1 ميلليون گەكتاردان اسادى. بۇل كومپانيا 44 فەرمەرمەن قويان-قولتىق جۇمىس ىستەپ وتىر. «ءالىبي» ج ش س دەپ اتالاتىن ەنشىلەس ۇيىمىنىڭ وزىندە 213 مىڭ گەكتار جەر بولسا، ونىڭ ىشىندە 25,7 مىڭ گەكتارى - جايىلىمدار.

تاعى ءبىر ءىرى جەر يەلەنۋشى - «حولدينگ كاز ەكسپورت استىق» ا ق قوجايىنى رۋسلان مولدابەكوۆ. Halyk Finance مالىمەتىنشە، ونىڭ 1 ميلليون گەكتار جەرى بار. ونىڭ 40 پايىزى - وزىنىكى بولسا، قالعانى - 23 فەرما سەرىكتەستەرىنە تيەسىلى.

ەكس- دەپۋتات رومين مادينوۆ ۇلەستەس بولىپ تابىلاتىن «اگرو سەنتر استانا» ج ش س دە جەردەن قۇرالاقان ەمەس. حولدينگتىڭ قاراماعىندا 27 اۋىل شارۋاشىلىعى وندىرۋشىلەرى جانە 700 مىڭ گەكتار جەرى بار. ونىڭ 400 مىڭ گەكتارى - ەگىستىك.

بەدەلدى كومپانيالاردىڭ ءبىرى سانالاتىن « БATT- تىڭ» (قۇرىلتايشىسى تيمۋر قۋانىشيەۆ) ەنشىلەس « БATT- اگرو» اتتى اگرو حولدينگى بار. ونىڭ يەلىگىندە دە 300 مىڭ ەگىن القابى بارى بەلگىلى. ودان كەيىنگى ورىندى 290 مىڭ گەكتار جەرىمەن «اتامەكەن-اگرو» ا ق يەلەنەدى. مۇندا «اگروفيرما ТNК» دە قالىسپايدى، جەر قورى 190 مىڭ گەكتاردان كەم ەمەس.

ءيىسى قازاققا تانىمال مەتسەنات، ZHERSU كورپوراتسياسىنىڭ باسشىسى باۋىرجان وسپانوۆ  160 مىڭ گەكتار جەردى پايدالانىپ، يگىلىگىن كورىپ وتىر. ونىڭ 130 مىڭ گەكتاردان استامى - جايىلىمدىق جەرلەر.

اقمولا وبلىسىنىڭ اكىمى سەرگەي كۋلاگيننىڭ يەلىگىندە 80 مىڭ گەكتار جەر بارىن كوپشىلىك جاقسى بىلەدى. جەر كوميسسياسىنىڭ وتىرىستارى بارىسىندا بۇل فاكتى ۇلكەن مىنبەرلەردەن كوتەرىلگەن بولاتىن.

ءبىر كەزدەرى كاسىپكەر پاۆەل سەليۆانوۆتىڭ «ماسلو-دەل» كومپانياسى دا سولتۇستىك قازاقستان وبلىسىنان 145 مىڭ گەكتار جەردى ساتىپ الامىز دەپ مالىمدەمە جاساعان. ساتىپ الدى ما، جوق پا - بەلگىسىز.

جەر قاتىناستارىن ءتۇسىندىرۋ ءۇشىن ارنايى اشىلعان jerturaly.kz سايتىندا ءبىر كەزدەرى «KazBeef Ltd» كومپانياسىنىڭ اقمولا وبلىسىندا 155 مىڭ گەكتار جەرى بار دەگەن اقپارات جاريالانعان ەدى. قازىر ول مالىمەت بەلگىسىز سەبەپتەرمەن الىنىپ تاستالعان.

قۇمار مۇقاشەۆتىڭ وتباسىلىق كومپانيالار جەلىسىنە تيەسىلى Eurasia AgroHolding ج ش س قاراماعىنداعى 170 مىڭ گەكتار جەرىنىڭ 40 مىڭ گەكتارى - جايىلىم. 2020-جىلعا شەيىن جايىلىم القاپتارىن 2 ميلليون گەكتارعا دەيىن ۇلعايتۋدى كوزدەپ وتىر.

سولتۇستىك قازاقستاندا ورنالاسقان «بوگۆي» كومپانياسىنىڭ بالانسىندا 885 مىڭ گەكتار جەر بولعان. تاياۋدا ونىڭ 632,5 مىڭ گەكتارى مەملەكەت مەنشىگىنە قايتارىپ الىنىپ، تاعى 97 مىڭ گەكتارى باسقا اگروقۇرىلىمدارعا بەرىلىپتى. ەندى «بوگۆيدىڭ» يەلىگىندە قالعانى - 156,4 مىڭ گەكتار.

باسقا دا جەر يەلەنۋشىلەر تۋرالى قىسقاشا: «پلەمزاۆود «جەڭىس» ج ش س (قاراعاندى وبلىسى) - 170 مىڭ گەكتار، «پلەمزاۆود قالباتاۋ» (ش ق و) - 148 مىڭ گەكتار، «اكتەپ» (اقتوبە وبلىسى) - 140 مىڭ گەكتار، «س پ ترانساۆتو» ج ش س - 97,1 مىڭ گەكتار، «استىق يندۋسترياسى» ج ش س - 100 مىڭ گەكتار، «اسكوپ» ج ش س - 79 مىڭ گەكتار جانە تاعى باسقالار. بۇل فيرمالاردىڭ ارتىندا رەسەيلىك دوكەيلەر دە تۇرعان كورىنەدى.