دەپ حابارلايدى قىتايداعى قازاقپارات ءتىلشىسى.
«كەلىمبەتوۆتىڭ باستاماسىمەن شاڭحاي قالاسى ق ر باس كونسۋلدىعى، ق ر ب ع م حالىقارالىق باعدارلامالار ورتالىعى جانە قىتايداعى قازاقستاندىق ستۋدەنتتەر قاۋىمداستىعىنىڭ (KSAC) شاڭحاي ءبولىمى وسى كەزدەسۋدى ۇيىمداستىردى. وعان 50-60 قازاقستاندىق - شاڭحاي شەت تىلدەر ۋنيۆەرسيتەتى (ش ش ت ۋ)، شاڭحاي قارجى جانە ەكونوميكا ۋنيۆەرسيتەتى (SUFE)، تۇڭجي ۋنيۆەرسيتەتى، شاڭحاي تەحنولوگيالىق ۋنيۆەرسيتەتى، فۋدان ۋنيۆەرسيتەتى، شاڭحاي پەداگوگيكالىق ۋنيۆەرسيتەتىنىڭ باكالاۆر ستۋدەنتتەرى، ماگيسترانتتارى جانە دوكتورانتتارى، ش ش ت ۋ وقىتۋشىلارى قاتىستى. مۇنداي كەزدەسۋلەر ستۋدەنتتەرگە وتە پايدالى. قايرات نەمات ۇلى بالالارعا ا ح ق و مىندەتتەرى مەن ماقساتتارىن، قۇرىلىمنىڭ كەلەشەكتەگى دامۋىن ءتۇسىندىردى. ستۋدەنتتەر كەزدەسۋدەن كۇش سالىپ، وقۋعا ىنتالانا ءتۇستى»، - دەدى قازاقپارات تىلشىسىنە بەرگەن سۇحباتتا ازيا جانە وكەانياداعى قازاقستان رەسپۋبليكاسىنىڭ ءبىلىم جانە عىلىم مينيسترلىگى حالىقارالىق باعدارلامالار ورتالىعىنىڭ وكىلى بەرىك سۇلەيمەنوۆ.
فۋدان ۋنيۆەرسيتەتىنىڭ حالىقارالىق قاتىناستار فاكۋلتەتىنىڭ 4-كۋرس ستۋدەنتى، ق ر تۇڭعىش پرەزيدەنتىنىڭ قورى جانىنداعى الەمدىك ەكونوميكا جانە ساياسات (IMAP) ينستيتۋتىنىڭ تاعىلىمگەرى انتون بۋگاەنكو قازاقپاراتقا بەرگەن سۇحباتىندا ا ح ق و باسقارۋشىسىمەن وتكەن كەزدەسۋدەن العان اسەرىمەن ءبولىستى.
«وتە سىندارلى كەزدەسۋ بولدى. قازاقستان- قىتاي قارىم- قاتىناسىنىڭ عانا ەمەس، مەملەكەتتىك قۇرىلىم مەن قازاقستاننىڭ ەكونوميكالىق ساياساتى تۋرالى ماڭىزدى تاقىرىپتار كوتەرىلدى. اسىرەسە، ا ح ق و قۇرىمىنا جاستاردى تارتۋ تۋرالى تەزيسكە قىزىقتىق. قايرات كەلىمبەتوۆ ا ح ق و جۇمىستارىنا زاڭگەرلەر، قارجىگەرلەر، باعدارلاماشىلار جانە وزگە سالالارداعى جاس، ءبىلىمدى مامانداردىڭ قاجەت ەكەنىن حابارلادى»، - دەدى ول.