مەيرامبەك بەسپايەۆتى تۋعان كۇنىمەن ونەر جۇلدىزدارى قۇتتىقتاۋدا

استانا. قازاقپارات - بۇگىن - ءانشى مەيرامبەك بەسپايەۆتىڭ تۋعان كۇنى. ءانشىنى ارىپتەستەرى ينستاگرامم ارقىلى قۇتتىقتاۋدا. اقىن سەرىكزات دۇيسەنعازين مەيرامبەككە ارناپ جىر شۋماقتارىن جازعان.

 «ال، دوسىم، قۇتتى بولسىن كەلگەن قىرىق،

 قۇدايىم ساعان ءبارىن بەرگەن ءبىلىپ.

 ويىڭدا قازاعىڭنىڭ ۇلى ونەرى،

 بويىڭدا تەكتىلىك پەن كورگەندىلىك.

 تىلەگىم ۇرپاعىڭنىڭ قىزىعىن كور،

ادامنىڭ كوڭىلىندە سونگەن بە ءۇمىت؟

 جۇرەگىڭ «بوزتورعاي» دەپ ءان ساپ تۇرسىن،

 توقساندى قارسى العاندا توردەن كۇلىپ!» - دەپ جازدى اقىن پاراقشاسىنا. ال ءداستۇرلى ءانشى ايگۇل ەلشىبايەۆا بولسا وسىدان 22  جىل بۇرىنعى مەيرامبەكتىڭ تۋعان كۇنىندەگى ەستەلىك سۋرەتتى جاريالادى. «بۇل 1994 ءتىڭ كۇزى ەدى. وسىدان 22 جىل بۇرىن بولعان مەيرامبەكتىڭ تۋعان كۇنىنەن ەستەلىك. سۋرەت، پوتو، سۇگىرەت، كارتىشكە.. . مەيرامبەك توردە وتىردى. توبەلەرىندە ماقتامەن جازىلعان 18 جاس دەگەن جازۋ بولاتىن. ارداق «تىرنالار» ءانىن مەن ءبىر تەرمەمدى ارناپ، الما كەنەننىڭ «بازار- نازارىن» ايتتى. گرافيندە «يۋپي» ، سۇيىكتى سوگىمىز بولاتىن. كولباسا دا «حالال» دەگەن جازۋ بولمايتىن. تۋعان كۇن جاقسى ءوتتى. و كەزدە ءتۇبىت مۇرتتارى تەبىندەپ كەلە جاتقان، قازاققا تانىمال دوستارىم، قاراشادا، 18 جاسىن تويلاعان ەدى. الماتىدا ستۋدەنتتىك ومىرىمىزدەگى قىز بولىپ، تۇڭعىش ۆەچەرگە بارگان ەدىك. ۇلان- اسىر توي بولماسا دا، كەۋىلدە، تاماشا تۋعان كۇن بولدى. سابيت پەن جاناتبەك تامادا بولعان، كۆارتيراعا سىياتىن، اسىر- تاسىر توي بولدى. بيىل 22  جىل تولىپتى، كوڭىل دەگەن قارتايمايتىن كوك دونەنگە ءمىنىپ، تارتا بەرىڭدەر. تۋعان كۇنىڭمەن، مەيرامبەك! كوڭىل سول قالپىندا، ەش وزگەرىسسىز. 40 تىڭ قىرقاسىنا شىعىپ، ەلۋدى ەڭسەرىپ، الپىستى القىمداپ، جەتپىستىڭ جەلكەسىنە ءمىنىپ، سەكسەندە سەلكىلدەگەن شال بولىپ، توقساندا توڭقالاڭ اسپاي، جۇزگە جەتكەندە، 99 جاسىمدا جانازاڭا بارسام ارمان جوق شىعار.. .» - دەپ جازدى ءانشى ينستاگرامداعى پاراقشاسىندا. سونداي- اق نۇركەن ءاشىروۆ، شاحاريزات سەيداحمەت، ت. ب. انشىلەر قۇتتىقتاۋىن جولداۋدا.