جەڭىس قاسىمبەك قىتايدىڭ مەملەكەتتىك تەلەكوممۋنيكاتسيالىق كومپانياسىنىڭ باسشىسىمەن كەزدەستى
مينيسترلىكتىڭ باسپا ءسوز قىزمەتىنىڭ حابارلاۋىنشا، كەزدەسۋ بارىسىندا قازاقستان- قىتاي ىنتىماقتاستىعى، تەلەكوممۋنيكاتسيا سالاسىنا ينۆەستيتسيا تارتۋ جانە جاڭا تەحنولوگيالاردى دامىتۋ ماسەلەلەرىن تالقىلاندى.
مينيستر جەڭىس قاسىمبەك اتاپ وتكەندەي، ءبىزدىڭ ەلدەر بىرلەسكەن ءىرى جوبالاردى جۇزەگە اسىرا باستادى. قىتاي ءبىز ءۇشىن ستراتەگيالىق سەرىكتەس بولىپ تابىلادى. ق ر ينۆەستيتسيالار جانە دامۋ مينيسترلىگى قازاقستان- قىتاي ينۆەستيتسيالىق ىنتىماقتاستىق باعدارلاماسى اياسىندا جوبالاردى جۇزەگە اسىرۋ ماسەلەسىندە تولىق قولداۋ كورسەتۋگە دايىن. ەكىجاقتى كەزدەسۋ اياسىندا China Telecom Global Limited پەن «ترانس تەلەكوم» اكسيونەرلىك قوعامى اراسىندا ىنتىماقتاستىق جونىندەگى مەموراندۋمعا قول قويىلدى. ChinaTelecommunicationsCorp. Ltd.» ءتوراعاسى يان دجيدىڭ ايتۋىنشا، اتالمىش كەلىسىم قازاقستاندىق تاراپپەن تىعىز ءوزارا ىنتىماقتاستىق ورناتۋعا جانە تەلەكوممۋنيكاتسيا سالاسىندا ينۆەستيتسيالىق جوبالاردى جۇزەگە اسىرۋعا مۇمكىندىك بەرەدى.
قىتايدىڭ ChinaTelecommunicationsCorp. Ltd.» مەملەكەتتىك تەلەكوممۋنيكاتسيالىق كومپانياسى 2002 -جىلى قۇرىلعان. بۇل كومپانيا قىتايدا ءىرى تەلەفون بايلانىسىنىڭ وپەراتورى جانە ۇيالى بايلانىس وپەراتورلارى اراسىندا ۇلكەندىگى جاعىنان ءۇشىنشى كومپانيا. كومپانيا 216 ميلليون ابونەنتكە سىم تەلەفونى مەن موبيلدى بايلانىس قىزمەتتەرىن كورسەتەدى. 2015 -جىلعى كىرىسى 52,7 ميلليارد دوللار بولدى. كومپانيا G2000 رەيتىنگىندە 124 - ورىندا تۇر.