ول بۇل تۋرالى 31-ارنانىڭ «ۇيات ەمەس» باعدارلاماسىندا ايتىپ بەردى.
باعدارلامادا جەلى قولدانۋشىلارىنان كەلگەن بىرنەشە سۇراق قويىلدى. سونىڭ ءبىرى كۇيەۋىنەن تاياق جەگەنى-جەمەگەنى تۋرالى سۇراق بولدى.
بۇل سۇراققا جازيرا ەش توسىلماستان: «ءيا، تاياق جەدىم، ءبىراق كوپ ەمەس»، - دەپ ءوزىنىڭ جانبولاتتان تاياق جەگەنىن جاسىرمادى.
«سوندا ءسىز تاياققا لايىق بولدىڭىز با؟»، - دەگەن باعدارلاما جۇرگىزۋشىسىنىڭ سۇراعىنا دا قىمسىنباستان ءوزىنىڭ كىناسىنەن ەكەنىن مويىندادى.
«قارسى سويلەيمىن دەپ تاياق جەدىم، تىلىمنەن تاپتىم. قازىر اجىراسۋلار وتە كوپ. ءبىر ۇرعانى ءۇشىن قۇربىسىنا ايتىپ، ول وعان كەڭەس بەرىپ، ءبىر ۇرعان ەركەك ۇرا بەرەدى دەپ اجىراسىپ جاتاتىندار وتە كوپ. وتباسى بولعان سوڭ ءبارى بولادى عوي»، - دەگەن ول مۇنداي جايتتاردى كەيىنگى بۋىن كەلىنشەكتەرگە ۇلگى بولۋ ءۇشىن ايتىپ وتىرعانىن ايتادى.
«تاياققا كونىپ جۇرە بەرىڭدەر دەمەيمىن»، - دەگەن جازيرا اندا-ساندا كۇيەۋىنىڭ قول كوتەرگەنىنە وتباسىن بۇزۋدىڭ قاجەتى جوق دەپ سانايدى.
سونىمەن بىرگە، ول جانبولاتتىڭ دا ماڭگى سۇيىكتىسى بولۋ-بولماۋى ءبىر اللانىڭ ەنشىسىندە دەگەندى ايتتى. توقال الۋعا قارسى بولسا دا، ول بۇل ومىردە ءبارى مۇمكىن ەكەنىن جەتكىزدى.
«توقال الۋعا كەلىسكىم كەلمەيدى. قارسىمىن. اللادان تىلەيتىنىم ونداي جاعدايعا جەتكىزبەسە ەكەن»، - دەدى جان سىرىمەن بولىسكەن ءانشى.