دوپينگ داۋىنا ىلىككەن زىلتەمىرشى جاسۇلان قىدىربايەۆ جاڭا قىزمەتكە تاعايىندالدى
مادەنيەت جانە سپورت ءمينيسترى ارىستانبەك مۇحامەدي ۇلىنىڭ ايتۋىنشا، بۇگىندە ءاربىر سپورتشىنىڭ ءوز نيەت-ءوتىنىشى بار. «ماسەلەن، بىرەۋى جاتتىقتىرۋشىعا اۋىسساق دەيدى، ەكىنشىسى وتباسىمەن بولامىز دەيدى. جاسۇلان قىدىربايەۆتى الماتىداعى ارنايى سپورت مەكتەبىنە ديرەكتوردىڭ ورىنباسارى قىزمەتىنە ۇسىندىق. ءوزىنىڭ دە سونداي ارمانى بار. جاس بالالارمەن جۇمىس ىستەگىم كەلەدى دەيدى. سوسىن پودوبەدوۆانىڭ دا جۇمىس تۋرالى ءوز ويلارى بار. قازىر جاتتىقتىرۋشى رەتىندە جۇمىسقا ورنالاسامىن دەپ، قاراستىرىپ جاتىر. ارينە، ءبىزدىڭ نەگىزگى مىندەتىمىز - ولاردى مەملەكەتتىڭ قاراۋىنان تىس قالدىرماۋ»، - دەدى ا. مۇحامەدي ۇلى قازاقپارات تىلشىسىنە بەرگەن سۇحباتىندا.
ال «ءاربىر سپورتشىنىڭ جۇمىسقا تۇرعىزاسىز با؟» دەگەن سۇراققا مينيستر: «قازىر ءبىز جاسۇلاندى جۇمىسقا ورنالاستىردىق. ەندى، ارقايسىسىمەن جەكە-جەكە جۇمىس ىستەيمىز. ءبىراق شىنىن ايتقاندا، وزدەرىنىڭ شارۋالارى بار، راقمەتىن ايتىپ جاتىر»، - دەپ اتاپ كورسەتتى.
ايتا كەتەيىك، كۇنى كەشە وليمپيادانىڭ ەكى دۇركىن چەمپيونى يليا يلين ۇلتتىق جانە شتاتتىق كوماندالار ديرەكسياسىنىڭ كەڭەسشىسى قىزمەتىنە تاعايىندالدى. بۇگىن ول ءوز جۇمىسىنا كىرىستى. ا. مۇحامەدي ۇلىنىڭ ايتۋىنشا، مەملەكەت باسشىسى دوپينگ داۋىنا ىلىككەن سپورتشىلاردى نازاردان تىس قالدىرماي، قولداۋ جاساۋدى تاپسىردى. «ءبىزدىڭ ۇستانىمىمىز - حالىقارالىق وليمپيادا كوميتەتى قانداي قورىتىندى شىعارسا دا، ءاربىر سپورتشى ءوزىنىڭ قابىلەت- قارىمىن بارىنشا پايدالانىپ، ومىرلىك تاجىريبەسىن كەيىنگى ءىزباسارلارىنا قالدىرۋى قاجەت»، - دەيدى مينيستر.
اۆتور: ارمان اسقاروۆ