ىشكى ىستەر ءمينيسترى جاڭا كوميتەت ءتوراعاسىن تانىستىردى
15:19, 04 - قاراشا 2016
استانا. قازاقپارات - بۇگىن ىشكى ىستەر ءمينيسترى قالمۇحامبەت قاسىموۆ قىلمىستىق-اتقارۋ جۇيەسى ورتالىق اپپاراتىنىڭ جەكە قۇرامىنا جاڭا ءتوراعا، ادىلەت پولكوۆنيگى ازامات بازىلبەكوۆتى تانىستىردى.
بۇل تۋرالى ءى ءى م قىلمىستىق اتقارۋ جۇيەسىنىڭ (ق ا ج) باسپا ءسوز قىزمەتى تاراتقان اقپاراتتان ءمالىم بولدى. ءمينيستردىڭ وسى بۇيرىعىمەن ق ا ج ءتوراعاسىنىڭ ءبىرىنشى ورىنباسارى قىزمەتىنە، ادىلەت پولكوۆنيگى بەكبولات تورەمۇراتوۆ پەن ءتوراعانىڭ ورىنباسارى قىزمەتىنە دارحان قاناتبەكوۆ تاعايىندالدى. ق ا ج كوميتەتىنىڭ بۇرىنعى ءتوراعاسى ادىلەت گەنەرال- مايورى باۋىرجان بەردالين مينيسترلىكتىڭ قۇزىرىندا قالدى.