بايقوڭىردىڭ قاۋىپسىزدىگىن ەندى رەسەي گۆاردياسى قامتاماسىز ەتەدى
بۇل تۋرالى «ريا نوۆوستي» حابارلايدى.
«ولار نىساندى قول استىنا الۋدىڭ كەي ماسەلەلەرى شەشىلگەن بويدا بايقوڭىردى كۇزەتەتىن بولادى»، - دەپ مالىمدەدى رەسەي ۇلتتىق گۆاردياسى اسكەرىنىڭ ورتالىق وكرۋگى باسپا ءسوز قىزمەتىندە.
«ماسكەۋ وبلىسى بويىنشا رەسەي ۇلتتىق گۆاردياسى اسكەرىنىڭ ورتالىق وكرۋگى باسقارماسىنان ءبىر توپ وفيتسەرلەر مەن وكرۋگتىڭ گەنەرال-لەيتەنانتى پاۆەل داشكوۆ بايقوڭىرعا ءىس ساپارمەن بارىپ قايتتى. داشكوۆتىڭ ايتۋىنشا، ءىس ساپاردىڭ ماقساتى بايقوڭىر كەشەنىنىڭ ايماعىندا ورنالاسقان رەسەي گۆاردياسىنىڭ قۇرامىنا ۆەدومستۆودان تىس كۇزەت پەن ارنايى جاساقتىڭ اۆياتسيالىق وتريادىن ەنگىزۋ ماسەلەسىن شەشۋ»، - دەلىنگەن حابارلامادا.
رەسەي تارابى ايماقتاعى قاۋىپسىزدىكتى قاماتاماسىز ەتۋدە زور ىنتىماقتاستىق ورناتاتىنىنا سەنىم ءبىلدىردى.
«گەنەرال-لەيتەنانت پاۆەل داشكوۆ پەن نيكولاي اۆدەيەۆ قالالىق اكىمشىلىك باسشىلىعى، قۇقىق قورعاۋشى ورگاندار مەن رەسەي ۇلتتىق گۆاردياسىنىڭ اسكەرلەرى ايماقتاعى قۇقىقتىق ءتارتىپتى قامتاماسىز ەتۋدە زور ىنتىماقتاستىق ورناتاتىنىنا سەنىم ءبىلدىردى»، - دەپ جازىلعان حابارلامادا.