قازاقستاننىڭ ءبىرقاتار تەمىر جول ستانساسىنىڭ اتاۋى ۇلتتىق سيپاتقا يە بولدى

استانا. قازاقپارات - قازاقستاننىڭ ءبىرقاتار تەمىر جول ستانساسىنىڭ اتاۋى ۇلتتىق سيپاتقا يە بولدى.

بۇل تۋرالى «ايقىن» گازەتىنىڭ باس رەداكتورى نۇرتورە ءجۇسىپ ءوزىنىڭ فەيسبۋكتەگى پاراقشاسىندا جازدى. «ۇكىمەت جانىنداعى ونوماستيكا كوميسسياسىنىڭ كەزەكتى وتىرىسىندا قازاقستانداعى ءبىرقاتار تەمىرجول ستانسالارىنىڭ اتاۋى ۇلتتىق سيپاتىنا ورالدى: الما- اتا-1، الما-اتا-2 نىڭ ورنىنا الماتى-1، الماتى-2 دەپ، كۋستاناي - قوستاناي، وساكاروۆكا - سارىبەل، كارەرنايا - ورتاس، سەميپالاتينسك - سەمەي، تالدى- كۋرگان - تالدىقورعان، چيمكەنت - شىمكەنت، سارى-اگاچ - سارى اعاش، دجەتىساي - جەتىساي، دجامبۋل - تاراز، ساكساۋلسكايا - سەكسەۋىل، كازالينسك - قازالى، دجۋسالى - جوسالى، تيۋراتام - تورەتام، حور-حۋت - قورقىت، دجالاگاش - جالاعاش، كزىل-وردا -  قىزىلوردا، سولو-توبە - سۇلۋتوبە، چييلي - شيەلى، تيۋمەن- ارىك - تومەنارىق ۇلگىسىندە قايتا جاڭارتىلدى. جالپى ستانسالار بويىنشا 91 اتاۋ وزگەرتىلدى. قالىڭ اعايىنعا قۇتتى بولسىن ايتامىز!» - دەپ جازدى نۇرتورە ءجۇسىپ.

اۆتور: مارلان جيەمباي باست