قانات يسلامنىڭ جەكپە- جەگىنەن كەيىن كوڭىلدە ءبىر دىق قالدى
باردىق. گيمندى ون بەس مىڭعا جۋىق ەل تۇرەگەپ تۇرىپ تىڭدادىق، قوسىلدىق. بوكسشىلاردىڭ ادەمى ويىندارىن كوردىك. ءتىپتى ۇيدەگى ەكى مەترلىك كوك بايراقتى دا الىپ باردىم. جەلبىرەتىپ وتىردىم. ايقايلاپ ۇراندادىم. «قانات!»، «قازاقستان!»، « ءارۋاق!»، «ۇر!»، «قۇلات!» دەۋمەن تاماعىم دا قارلىقتى.
جەتى جەكپە- جەكتىڭ سوڭىنان رۋحتانىپ شىقتىق. نەگە رۋحتاندىم؟ اينالامدا تەك قازاقتار بولدى. ءبارى قازاقشا سويلەپ ءجۇردى. قازاقى ءازىل- قالجىڭدار بولدى ارامىزدا. رينگتە قازاقتىڭ جىگىتتەرى اتويلاپ، قازاق كوممەنتاتورلار قازاقشا سايراپ جاتتى. قازاقتار ماعان رۋح بەردى.
ۇيگە كەلە جاتقاندا عانا باسقا دياسپورا ادامدارى مەن ەتنوستاردى كوردىم. ولار «الماتى - ارەنانىڭ» ىشىندە نەگە بولمادى؟
ال قازاقتار گەنا دەسە، ماقتانادى. ۆاسيلي جيروۆقا دا شاپان جاپقان. ولگا شيشيگينانى تورگە شىعارىپ، پارلامەنتكە وتىرعىزىپ قويدى. وتگونسەسەگتى دە ەركەلەتىپ، تىزەمىزگە وتىرعىزدىق. ەندەشە ولار نەگە بىزبەن بىرگە شاتتانبايدى؟
نەگە قازاقتىڭ بىرەۋى قىلمىس جاساسا ورىس ءتىلدى سايتتار شۋلايدى؟ باسقا ەتنوستان بولسا ۇندەمەي قويا سالادى؟
جاۋابىم بار. ولار قازاقتى ءتۇسىنۋ ءۇشىن قازاق ءتىلىن ءبىلۋى ءتيىس. بىلمەيدى. بىلمەگەن سوڭ ءبىزدى تۇسىنبەيدى. تۇسىنبەگەن سوڭ بىزبەن بىرگە قۋانىپ، مۇڭايا المايدى. ال ءبىز ورىس ءتىلىن تۇسىنەمىز، سويلەيمىز، جازامىز، ياعني ولارعا جانىمىز اشىپ، وزىمىزگە جاقىن تارتامىز.
قازاقستاننىڭ قازىرگى تاتۋلىعى مەن بىرلىگى اسسامبلەيادا ەمەس، قازاقتىڭ كەڭپەيىلدىگى مەن دارحاندىعىندا. ادامگەرشىلىگىندە، داستۇرىندە.
بۇكىل قازاقستان ءبىر كىسىدەي قۋانۋى ءارى بىرگە قايعىرۋى ءۇشىن ءبىر تىلدە بولماق كەرەك.
ايدوس جۇقان ۇلىنىڭ جەكە پاراقشاسىنان