تاۋەلسىزدىك قۇرداسى: ەگەمەن ەلدىڭ ۇلانى بولۋدان اسقان باقىت جوق - ابىلاي قۇلدانوۆ
ونىڭ ايتۋىنشا، ءورت ءسوندىرۋشى جۇرەكتىلىك پەن باتىلدىقتى تالاپ ەتەتىن ناعىز ەر ازاماتتارعا ءتان ماماندىق.
«قۇتقارۋشى جانە ءورت ءسوندىرۋشى ماماندىعىن تاڭداعانداردى ءجيى باتىر اتايدى. كۇندە ءومىر مەن ءولىم اراسىندا ارپالىسىپ جۇرگەن ءورت سوندىرۋشىلەر ءۇشىن بۇل كۇندەلىكتى، قالىپتى ءىس بولىپ سانالادى. ءوز باسىم وسى سالاعا 2011-جىلى ءورت ءسوندىرۋ كولىگىنىڭ جۇرگىزۋشىسى رەتىندە كەلدىم. كەيىن اۋىر ءارى قاۋىپتى جۇمىستىڭ ىستىق-سۋىعىنا ءتوزىپ، قازىر ءبىر ادامداي مەڭگەرىپ الدىم. ءورت بولعان جەرگە ەڭ ءبىرىنشى ءورت ءسوندىرۋ كولىگى جەتەدى. لاۋلاعان وتتى اۋىزدىقتاپ، سول ماڭداعى ادامداردى قۇتقارىپ، سىرتقا شىعارۋ ءورت ءسوندىرۋشىنىڭ باستى مىندەتى. ءورت ءسوندىرۋ كولىگىمەن ءورت شىققان جەرگە جاقىن كەلىپ، سۋ شاشۋ جوعارى كاسىبي شەبەرلىكتى قاجەت ەتەدى. ءاربىر قادامىڭ دۇرىس بولماسا، قۇتقارۋعا كەلگەن ادامدار مەن عيماراتتى، ءتىپتى، ارىپتەستەرىڭنىڭ باسىن قاۋىپكە تىگۋىڭ مۇمكىن. دەگەنمەن، قانشا قاۋىپتى بولعانىمەن، ءوزىم تاڭداپ العان ماماندىعىم وزىمە ۇنايدى. ويتكەنى، تاۋەلسىز ەلىمىزدە ءورت ءسوندىرۋ سالاسىن دامىتۋعا مەملەكەت تاراپىنان بارلىق جاعداي جاسالىنعان. قازىرگى زامانعى تەحنيكالار مەن قۇرال-جابدىقتار ءورت دەر كەزىندە اۋىزدىقتاپ، سوندىرۋگە مۇمكىندىك بەرەدى. مۇنىڭ ءبارى ەل تاۋەلسىزدىگىنىڭ ارقاسىندا قول جەتكىزگەن جەتىستىكتەر. سوندىقتان، مەن ءۇشىن ەكونوميكاسى قارىشتاپ دامىعان، ەگەمەن ەلدىڭ ۇلانى بولۋدان اسقان باقىت جوق»، دەيدى ابىلاي قۇلدانوۆ.