ءبىر پويىزعا مىنگەن مينيسترلىكتەردىڭ ماماندارى قازاقستاندى ارالاماق
«قازاقستان حالقى اسسامبلەياسىنىڭ باستاماسىمەن 1- قاراشادا «تاۋەلسىز قازاقستان!» دەپ اتالاتىن پويىز ساپارىن باستايدى. بۇل پويىز ساپارى ەلىمىز تاۋەلسىزدىگىنىڭ 25 جىلدىعىنا ارنالعاندىقتان، ەگەمەندىك جىلدارىنداعى جەتىستىكتەردى حالقىمىزبەن ءبولىسىپ، باستامالاردى ناسيحاتتاپ، رۋحىمىزدى كوتەرۋگە نەگىزدەلگەن.
ەكىنشىدەن، حالىقتىڭ «ماڭگىلىك ەل» يدەياسى توڭىرەگىندە جۇمىلدىرىلۋىنا ىقپال ەتىپ، پاتريوتتىق يدەيانى ناسيحاتتاۋ شارالارى ەسكەرىلىپ وتىر. ال ءۇشىنشى باعىتتا مەديتسينالىق، الەۋمەتتىك، سونىمەن قاتار قۇقىقتىق، اۋىل شارۋاشىلىعى، ءبىلىم بەرۋدى، بيزنەستى دامىتۋعا قاتىستى حالىقتى تولعاندىرىپ جۇرگەن ماسەلەلەر بويىنشا كەڭەس بەرۋ جۇمىستارى قامتىلادى»، - دەدى ن. شاياحمەتوۆ.
ونىڭ سوزىنە قاراعاندا، پويىزدا جاساقتالعان توپتىڭ قۇرامىندا ق ح ا اتىنان سايلانعان دەپۋتاتتار بار. ولار ءاربىر توقتاعان ستانسادا قوعامدىق قابىلداۋلار ۇيىمداستىرادى. سونىمەن قاتار ءبىرقاتار مينيسترلىكتەر، ۇلتتىق كاسىپكەرلەر پالاتاسى، «قازاگرو» وكىلدەرىنەن تۇراتىن 70 تەن استام ماماندار جۇمىس ىستەيدى.
«بۇدان بولەك، ونەر ادامدارى، عىلىم سالاسىنىڭ وكىلدەرى پويىز توقتاعان ءاربىر ستانسادا جۇمىس جاسايدى. ءاربىر بەكەتتە حالىق ءۇشىن يگىلىگى مەن قاجەتتىلىگىنە وراي اۋقىمدى ماسەلەلەر شەشىلەدى دەگەن ويدامىن»، - دەدى ول.
«تاۋەلسىز قازاقستان» پويىزى» اكسياسى ءوز جۇمىسىن 14- جەلتوقسان كۇنى الماتى قالاسىندا اياقتايتىن بولادى. اكسيا كەزىندە پويىز رەسپۋبليكا بويىنشا 35 ەلدى مەكەنگە توقتاپ، جەرگىلىكتى حالىققا، ونىڭ ىشىندە زەينەتكەرلەرگە، مۇگەدەكتەرگە، ۇ و س ارداگەرلەرىنە جانە شالعايدا ورنالاسقان اۋىل تۇرعىندارىنا قاجەتتى قىزمەتتەر ۇسىنىلاتىن بولادى.
اۆتور: رۋسلان عابباسوۆ