ولجاس سۇلەيمەنوۆ بانكتەرگە مادەنيەت قورىنا يتالياداعىداي اقشا اۋدارۋدى ۇسىندى

الماتى. قازاقپارات - ولجاس سۇلەيمەنوۆ ادەبيەت پەن مادەنيەتتى ساقتاۋ مەن دامىتۋ ماسەلەلەرىندە يتاليا تاجىريبەسىن ۇيرەنۋدى ۇسىندى.

بۇل تۋرالى ول الماتىدا ق ر پارلامەنتى ءماجىلىسى دەپۋتاتتارىنىڭ كوشپەلى وتىرىسى بارىسىندا ءمالىم ەتتى، دەپ حابارلادى «قازاقپارات» ح ا ا ءتىلشىسى.

«ولجاس ەسىمدى جاس اقىن گازەتتەردىڭ بىرىنە سۇحبات بەردى. وندا ول 100 پاراقتان استام قولجازباعا 25 مىڭ تەڭگە العاندىعىن ءارى ونى كوپ جاعدايدا ءوز تۋىندىسىن ساتىپ الۋعا جۇمساعانىن ايتتى. كۇندەلىكتى تىرشىلىگىنە دە جەتكىلىكسىز. بۇل جاعدايدا الدىمەن كىتاپقا وبال بولدى. حالىق قىمبات كىتاپ ساتىپ الا المايدى، ال ارزان كىتاپ جوقتىڭ قاسى. كەڭەس وداعى كەزىندەگى كىتاپ تاراتۋ جۇيەسى جازۋشىلاردى بارلىعىمەن قامتاماسىز ەتىپ وتىردى، ولاردى تۇرعىن ۇيمەن، ەمدەلۋمەن جانە باسقا دا قاجەتتىلىكتەرمەن قامتاماسىز ەتە الاتىن قوردى قاراستىردى. بىزدە وسىنىڭ ءبىرى دە جوق. مەن 25 جىل ىشىندە قالاماقى تۇرىندە بىردە ءبىر تەڭگە العانىم جوق، جاڭا عانا قولىنا قالام العان «ولجاستاردىڭ» كۇنى نە بولماق. قازىر جازۋشىلاردىڭ كاسىبى كەرەكسىز بولىپ بارادى. بۇرىن ءبىز ماقتاناتىنبىز. كاسىبي جازاتىندار قالمادى، تەك كاسىپقوي جازۋشىلار بار. قازاقستاندىق جاس قالامگەرلەر ادەبيەتى ەلەۋلى سوققى كوردى» دەپ قاداپ ايتتى ولجاس سۇلەيمەنوۆ.

ول مىسال رەتىندە كىتاپتىڭ جارىققا شىعۋىنا وراي بارعان كەزدەگى يتاليادا العان اسەرىمەن ءبولىستى. «1998-جىلى يتاليادا چامپي زاڭى قابىلداندى. پارلامەنت دەپۋتاتتارى بارلىق جەكە بانكتەردى ءوز جىلدىق تابىستارىنىڭ ءبىر بولىگىن مينيسترلىكتەن بولەك جۇمىس جاسايتىن تاۋەلسىز مادەنيەت قورىنا اۋدارۋعا مىندەتتەدى. مادەنيەت بيۋدجەتتىك ەمەس نارىقتىق قاراجاتقا يە بولادى. سوندىقتان دا ولار كوپ نارسەگە قول جەتكىزدى. وسى مادەنيەت قورى 80 بولىمشەدەن تۇرادى. مەن وسى ماسەلەنى مينيسترلەر كابينەتىنە جازدىم جانە ەنگىزدىم. ءبىزدىڭ ۇكىمەت وسى چامپي زاڭىن زەرتتەۋى ءتيىس دەپ ويلايمىن» - دەپ ءسوزىن ءتامامدادى ولجاس سۇلەيمەنوۆ.