قايرات نۇرتاستىڭ كولىگى جىلقىلارعا سوعىلعان
ونى ايتەكە ءبي اۋدانىنىڭ ءبىر تۇرعىنى ءوز كولىگىمەن اپارا جاتقاندا تاس جولدىڭ ءبىر بولىگىندە ءبىر ءۇيىر جىلقىلارعا سوعىلعان، دەپ حابارلايدى قازاقپارات.
قىزىلوردا وبلىسى قازالى ىشكى ىستەر دەپارتامەنتىنىڭ حابارلاۋىنشا، بولىمگە ەشقانداي شاعىم تۇسكەن جوق. سەبەبى ەكىنشى زارداپ شەككەن ادام بولعان جوق. ال قايرات نۇرتاس مىنگەن كولىك تاس جولدا جۇرگەن جىلقىلارعا سوعىلعان. «كولىكتىڭ جۇرگىزۋشىسى اۋرۋحاناعا كورىنگەن. بولدى. ول - ايتەكە ءبي كەنتىنىڭ تۇرعىنى. وعان قايرات نۇرتاستى اپارىپ تاستاسىن دەپ ءوتىنىش جاساعان. ءسويتىپ، تۇنگى ساعات 12 دە كەلە جاتقاندا جىلقىلارعا سوعىلعان. جىلقىلار جارىققا جۇگىرەدى عوي. قايراتتىڭ ءوزى اۋرۋحاناعا كورىنبەگەن»، - دەيدى ءبولىم كەزەكشىسى. جىلقىنىڭ يەسى ازىرشە بەلگىسىز.
ەسكە سالا كەتەيىك، بۇعان دەيىن حابارلاعانىمىزداي، ءانشى قايرات نۇرتاس جول اپاتىنا ۇشىراعان ەدى. بۇل تۋرالى ءانشىنىڭ اناسى، پروديۋسەر گۇلزيرا ايداربەكوۆا الەۋمەتتىك جەلىدە حابارلاعان.
اۆتور: ارمان اسقاروۆ