تويدا ەرەكشە شوۋ كورسەتكەن جىگىتتەر قوناقتاردى تاڭ-تاماشا ەتتى - كەسكىن
12:29, 31 - قازان 2016
استانا. قازاقپارات - «الاش ۇلى» توبى باۋىرجان مەن الما ەسىمدى جاڭادان شاڭىراق كوتەرگەن جاس جۇبايلاردىڭ تويىنا قاتىسىپ، ەرەكشە شوۋ كورسەتتى.
بۇل توي بۇرىنعى تويلاردان وزگەرەك بولدى. تويعا تانىمال ءانشى تورەعالي تورەالى، پاتريوتتىق اندەرىمەن حالىقتىڭ ىقىلاسىنا بولەنىپ جۇرگەن توپ «الاش ۇلى» قاتىستى.
كەش بارىسىندا «الاش ۇلى» رەپەرتۋارىنداعى اندەردىڭ بىرىنە ەر ازاماتتار الدىمەن جاتتىعۋ تۇرىندە ءبي كورسەتىپ، كەيىننەن تىزىلە وتىرا قالدى. ال ءبىر ازامات التى جىگىتتىڭ ۇستىنەن سالتو جاساپ اينالىپ ءتۇستى. ۆيدەونى جەلىگە جۇكتەگەن اۆتور داۋلەت تولەۋتاي ۇلى «الاش ۇلى» توبىنىڭ تويدى قىزدىرا تۇسكەنىن ايتتى.