ىشىمدىك تيەلگەن كەمەلەر ەندى ساۋد ارابياسىنىڭ ايلاقتارىنا توقتاي المايدى
16:48, 29 - قازان 2016
استانا. قازاقپارات - بورتىندا الكوگولدى ىشىمدىك تيەلگەن كەمەلەر بۇدان بىلاي ساۋد ارابياسىنىڭ ايلاقتارىنا توقتاي المايتىن بولدى.
بۇل تىيىم جايىندا كورولدىكتىڭ پورتتار باسقارماسىنىڭ ءتوراعاسى سۋسايد اد-درەيس ءمالىم ەتتى.
«ساۋد ارابياسى ءوزىنىڭ بارلىق ۇكىمدەرىن شاريعات تالاپتارىنا سايكەس شىعارىپ كەلەدى. ال، الكوگولدى ىشىمدىككە شاريعاتىمىز قاتاڭ تىيىم سالاتىنى بارىنە بەلگىلى»، - دەپ اتاپ ءوتتى ول.
ال، بۇل تىيىمنىڭ حالىقارالىق ساۋدا تالاپتارىنا، بۇرىن جاسالعان كەلىسىمشارت نەگىزدەرىنە قايشى كەلەتىنى جايلى سۇراققا ول: «كورولدىك ۇستانىمى بارىنەن جوعارى»، - دەپ جاۋاپ قايتاردى.
Muslim.kz