تالدىقورعاندا باتا بەرۋ جارىسى ءوتتى

تالدىقورعان. قازاقپارات - تالدىقورعاندا باتا بەرۋ جارىسىندا كوكسۋ اۋدانىنىڭ تۇرعىنى دانيار ورالبەكوۆ باس جۇلدەنى جەڭىپ الدى، دەپ حابارلايدى قازاقپارات.

جەڭىمپازعا 50 مىڭ تەڭگە قارجىلاي سىيلىق تابىس ەتىلدى.

«باتاگوي» جارىسىنا 20 ادام قاتىستى. وبلىستىق دەڭگەيدە وتكەن شارا وسىمەن ەكى مارتە ۇيىمداستىرىلۋدا. بايقاۋ شارتىنا سايكەس قاتىسۋشىلار ءۇش ءتۇرلى باتا بەردى. ونىڭ ىشىندە ەكى باتا كەزدەيسوق تارتىپتە قورجىننان اسىق الۋ ارقىلى تاڭدالدى. ال ءبىر باتا ءوزىنىڭ قالاۋى بويىنشا بەرىلدى.

باتا- تىلەك سوزدەردى قاريالارىمىزدىڭ بارىنشا جەتە مەڭگەرۋىن، باتا مەن تىلەكتى شاتاستىرماۋدى ماقسات ەتكەن شارادا كەلگەن اقساقالداردىڭ ەشقايسىسى جۇلدەسىز قايتقان جوق. ىنتالاندىرۋ ماقساتىندا ءارقايسىسىنا 10 مىڭ تەڭگەدەن قارجىلاي سىيلىق تابىس ەتىلدى.

  

 

اۆتور: سامال قابىشەۆا