رەجيسسەر قالىمبەتوۆتىڭ «تالان» كوركەم فيلمىنىڭ ءتۇسىرىلىمى باستالدى - فوتو

استانا. قازاقپارات - ش. ايمانوۆ اتىنداعى «قازاق فيلم» ا ق رەجيسسەر بولات قالىمبەتوۆتىڭ «تالان» تولىق مەتراجدى كوركەم فيلمىن تۇسىرۋگە كىرىستى، دەپ حابارلادى كينوستۋديا باسپا ءسوز قىزمەتىندە، كارتينا ق ر م س م تاپسىرىسى بويىنشا تۇسىرىلەدى.

فيلم ق ر تاۋەلسىزدىگىنىڭ 25 جىلدىعىنا ارنالعان، قازىرگى ساتتە ماتەريالدىڭ جارتىسى ءتۇسىرىلدى. «بۇل فيلم XX عاسىردىڭ 30-40 -جىلدارىنداعى حالىق تاريحىنىڭ درامالىق كەزەڭىن بەينەلەيدى. فيلمنىڭ ماقساتى - سول داۋىردەگى ادام وبرازىن اشۋ»، - دەپ اتاپ ءوتتى بولات قالىمبەتوۆ ءتۇسىرۋ الاڭىندا جۋرناليستەرمەن كەزدەسۋ بارىسىندا.

 

سەناريى جازۋشى جۇسىپبەك قورعاسبەكوۆتىڭ «قاسقىر ادام» پوۆەسىنىڭ جەلىسىمەن جازىلعان. الەۋمەتتىك دراما جانرىنداعى وقيعا باستى كەيىپكەر تاعايدىڭ ءومىرىنىڭ قالىپتاسۋ جولىن كورسەتەدى. وتكەن عاسىردىڭ 30-جىلدارى بەينەلەنەدى. جەتىم قالعان ەكى بالانىڭ ءومىرى قالاي قالىپتاسقانىن ۋاقىت كورسەتەدى. بىرنەشە جىلدان كەيىن دوستارىمەن كەزدەسۋ ەكەۋى ءۇشىن دە كەزدەيسوق جاعداي بولادى. بۇل - اسكەري ديكتاتۋرا كەزەڭىندە ادامنىڭ كۇنكورىسى قانشالىقتى قىمباتقا تۇسكەنى جايلى ميف.