شاريعاتتا قانداي جاعدايدا وتىرىك ايتۋعا رۇقسات ەتىلەدى

استانا. قازاقپارات - «وتىرىكشى جاماندىققا باستايدى، ال جاماندىق توزاققا باستايدى». پايعامبارىمىزدىڭ (س. ا. ۋ. ) وسى سوزىنەن-اق وتىرىك ايتۋ كۇنا ەكەنىن اڭعارۋعا بولادى. دەگەنمەن شاريعاتتا كەي جاعدايلاردا وتىرىك ايتۋعا رۇقسات ەتىلەدى.

پايعامبارىمىزدىڭ (س. ا. ۋ. ) قىزى ءۇممۋ گۇلسىم (ر. ا) جەتكىزگەن حاديستە: «مەن پايعامبارىمىزدان (س. ا. ۋ. ) وتىرىك ايتۋدى ءۇش جەردەن ارتىق رۇقسات بەرگەنىن ەستىمەدىم دەگەن:

- ءبىر ادام ەكى جاقتى جاراستىرۋ ماقساتىمەن ايتسا (ياعني كەلىسپەي قالعان ەكى تاراپتى)؛

- ءبىر ادام سوعىس كەزىندە (ايلا ءۇشىن) ايتسا؛

- كۇيەۋى ايەلىمەن سويلەسكەن كەزدە جانە ايەلى كۇيەۋىمەن تىلدەسكەن كەزدە». (ءمۇسلىم)

ەرلى- زايىپتىلار اراداعى كوركەم قاتىناستى ساقتاۋ ءۇشىن وتىرىك ايتسا بولادى. ال ودان باسقا نيەت كوزدەلسە، وندا وتىرىكتىڭ قاي ءتۇرى بولماسىن - حارام.

وتىرىك ايتۋعا رۇقسات ەتىلەتىن جاعدايلارعا ۇقساس ورىندار:

- ولتىرمەكشى بولعان زالىم ادامنان مۇسىلمان جاسىرىنىپ قالسا، جاسىرۋ ماقساتىندا وتىرىك ايتۋ مىندەت بولادى.

- ءبىر ادام مۇسىلماننىڭ مال-مۇلكىن قاقىسىز تارتىپ الماقشى بولسا، جوق ەكەنىن ايتىپ قۇتىلۋعا بولادى.

- ءبىر ادام بىرەۋدىڭ قانداي كۇنا جاساعانىن سۇراسا، ودان باس تارتۋ كەرەك. ويتكەنى، ءبىر ءىستىڭ اشىلۋى ەكىنشى ءبىر ىسكە جول اشادى. ال، اللا تاعالا بىرەۋدىڭ ايىبىن جاسىرۋشىلاردى جاقسى كورەدى.

- باۋىرىنىڭ ابىرويىن قورلاۋ ءۇشىن بىرەۋ سىرىن ايتىپ بەرۋدى وتىنسە، قايتارۋ كەرەك.

 

Islam.kz