ورالماندار كيريلليتسانى ۇيرەنىپ جاتىر
قازاقستاندا تۇراتىن ورالمانداردىڭ نەگىزگى پروبلەمالارىنىڭ ءبىرى ءتىل بولىپ تابىلادى. قازاق ءتىلىن جەتىك بىلگەنىمەن، كيريلليتسانى پايدالانا المايدى. بۇل دەمەك، جازىپ- وقي المايدى دەگەن ءسوز، سونىڭ سالدارىنان ءتۇرلى تۇسىنبەۋشىلىكتەر ورىن الىپ جاتادى.
بەيىمدەۋ ورتالىعىنىڭ ديرەكتورى اينۇر ءتابىلتايدىڭ ايتۋىنشا، ولاردىڭ قوعامدىق ۇيىمى ازاماتتارعا جاڭا ومىرگە بەيىمدەلۋگە جاردەمدەسەدى. «ءبىزدىڭ كۋرستىڭ ارقاسىندا ج و و ديپلومىمەن نەمەسە ورتا بىلىممەن ءۇش ەلدەن قازاقستانعا كەلگەندەر ماماندىعى بويىنشا جۇمىسقا ورنالاسۋعا مۇمكىندىك الادى. كوپشىلىگى ءوتىنىشتى وزدەرى جازىپ، قۇجات تولتىرا الادى»، - دەدى ءتابىلتاي. كەڭىنەن بەيىمدەلۋ ءۇشىن ورتالىق ورالمانداردى ورىس تىلىنە وقىتادى. وسى كۇزدە ءبىرىنشى بوپ سەمەيدە، تارباعاتايدا، زايساندا تۇراتىن ورالماندار وقىتىلدى. وسى ايدا مۇنداي كۋرستار وسكەمەندە، ءۇرجار اۋدانىندا وتەدى.