عالىمدار ادامداردىڭ نەگە وتىرىك ايتاتىنىن انىقتادى

استانا. قازاقپارات - ا ق ش جانە ۇلى بريتانيا عالىمدارى ادامداردىڭ جالعان سويلەۋ سەبەپتەرىن انىقتادى.

ولار زەرتتەۋ جۇرگىزىپ، ونى Nature Neuroscience باسىلىمىندا جاريالادى.

عالىمدار زەرتتەۋگە 80 ەرىكتىنى ىرىكتەپ الدى. ولارعا ارنايى ويىنعا قاتىسۋ ۇسىنىلدى. قاتىسۋشىلار جۇپتارعا ءبولىندى. ەرىكتىلەردىڭ ءبىرى عىلىمداردىڭ «سەرىكتەسى» بولدى. بۇل ادام ويىندا پايدالى بولاتىن اقپاراتتى الىپ وتىرعان. زەرتتەۋ كورسەتكەندەي، «سەرىكتەس» ءار كەزەڭدە ويىن سەرىگىن الداۋعا تىرىستى.

ويىن كەزىندە تاجىريبەگە قاتىسۋشىلاردىڭ مي جۇمىسىن عالىمدار ماگنيتتى-رەزونانستى تەراپيا اپپاراتىنىڭ كومەگىمەن زەرتتەدى. ادام وتىرىك سويلەگەندە بادامشالار بەلسەندى جۇمىس ىستەيتىنى انىقتالدى. الايدا ادام نەعۇرلىم كوپ جالعان سويلەسە، ميدىڭ بۇل بولىگىنىڭ بەلسەندىلىگى تومەندەگەن.

وسىعان بايلانىستى عالىمدار ادامدار جۇيەلى تۇردە وتىرىك ايتۋعا ۇيرەنەدى دەگەن توقتامعا كەلدى.