قازاقستاندا ەڭ ۇزدىك الەۋمەتتىك قىزمەتكەرگە داۋىس بەرۋ باستالدى

استانا. قازاقپارات - ق ر دەنساۋلىق ساقتاۋ جانە الەۋمەتتىك دامۋ مينيسترلىگى (ءارى قاراي - ق ر د س ءا د م) ق ر الەۋمەتتىك قورعاۋ جۇيەسىنىڭ قىزمەتكەرى كۇنىنە ارنالعان «الەۋمەتتىك قورعاۋ جۇيەسىنىڭ ۇزدىك قىزمەتكەرى» بايقاۋىنىڭ قاتىسۋشىلارىنا داۋىس بەرۋ اشىق دەپ جاريالايدى، دەپ حابارلايدى ۆەدومستۆونىڭ باسپا ءسوز قىزمەتىنەن.

داۋىس بەرۋ بايقاۋدىڭ كەلەسى نوميناتسيالارى بويىنشا:

- «ۇزدىك الەۋمەتتىك قىزمەتكەر»؛

- «زەينەتاقى جۇيەسىنىڭ ۇزدىك قىزمەتكەرى»؛

- «الەۋمەتتىك ساقتاندىرۋ جۇيەسىنىڭ ۇزدىك قىزمەتكەرى»؛

- «حالىقتى جۇمىسپەن قامتۋ جۇيەسىنىڭ ۇزدىك قىزمەتكەرى»؛

- «الەۋمەتتىك سالاداعى ۇزدىك مەنەدجەر- ۇيىمداستىرۋشى»؛

- «ۇزدىك م ءا م»؛

- «ۇزدىك الەۋمەتتىك ۇكىمەتتىك ەمەس ۇيىم» بويىنشا وتەدى.

ونلاين داۋىس بەرۋ نوميناتسيالارىنا 2016 -جىلعى 5-15 -قازان ارالىعىندا وتكەن ايماقتىق ىرىكتەۋ كەزەڭدەرىنىڭ جەڭىمپازدارى قاتىساتىن بولادى.

ءاربىر قازاقستاندىق ازامات قر ءدسادم رەسمي ينتەرنەت- رەسۋرسىنىڭ (www.mzsr.gov.kz) نەگىزگى بەتىندە داۋىس بەرە الادى. ونلاين داۋىس بەرۋ 2016 -جىلعى 24 -قازان ساعات 18:00 گە دەيىن وتكىزىلەدى.

ەستەرىڭىزگە سالا كەتەيىك، ق ر د س ءا د م جەرگىلىكتى اتقارۋشى ورگاندارىمەن بىرلەسىپ الەۋمەتتىك قورعاۋ جۇيەسى قىزمەتكەرلەرى كۇنىنىڭ قارساڭىندا «الەۋمەتتىك قورعاۋ جۇيەسىنىڭ ۇزدىك قىزمەتكەرى» بايقاۋىن وتكىزۋدە. سايىس جەڭىمپازدارىن سالتاناتتى تۇردە ماراپاتتاۋ 2016 -جىلعى 28 -قازاندا استانا قالاسىندا وتەدى.