قاراعاندى وڭىرىندەگى شەنەۋنىك سىرعا تاققان انشىلەر توبىنا قارسىلاردى قولدادى
«قاراعاندىدا كونسەرت ولاردىڭ دەر ۋاقىتىندا كەلىسىمشارتقا (كونسەرت وتكىزۋ تۋرالى) قول قويماۋلارىنا بايلانىستى وتپەي قالدى. ۇيىمداستىرۋشىلاردىڭ وزدەرى كىنالى. ەگەر ۋاقىتىندا قول قويعاندا كونسەرت وتەر ەدى. دەگەنمەن، قالاي دەسەك تە ءبىز قانداي دا ءبىر شەكتەۋ قويۋىمىز كەرەك. ويتكەنى، بۇلاي كيىنۋگە بولمايدى. باتىرلارىمىزدىڭ قۇلاققا سىرعا تاققانىن قاشان كورىپ ەدىك؟ بۇل دۇرىس ەمەس قوي»، - دەدى ول «جاستار ءداستۇرلى قۇندىلىقتار ءۇشىن» اكسياسىنىڭ باستالۋىنا ارنالعان بريفينگ بارىسىندا.
سونىمەن قاتار ول اتالعان توپتىڭ اسىرەسە جانكۇيەرلەرىن تۇسىنبەيتىندىگىن دە اتاپ ءوتتى.
«قولدايمىن (Ninety Оne توبى كونسەرتىن وتكىزۋشىلەرگە نارازىلىق تانىتۋشىلاردىڭ حاتىن. رەداكتور ەسكەرتۋى)»، - دەدى قۇتتىباي.
ايتا كەتەيىك، بۇعان دەيىن قازاننىڭ 18-19 - كۇندەرى قاراعاندى مەن جەزقازعاندا جوسپارلانعان Ninety Оne توبىنىڭ كونسەرتى بولمايتىندىعى حابارلانعان بولاتىن. وسىعان دەيىن دە بۇل توپتىڭ باسقا دا وڭىرلەردەگى كونسەرتتەرى وتپەي قالعان بولاتىن. توپتىڭ جەتەكشىسى «وردا» توبىنىڭ ءانشىسى ەربولات بەدەلحان.
حالىق اراسىندا ءتۇرلى- ءتۇستى شاشتارىمەن، قاسى- كوزىن بوياعان باياۋلارىمەن، قۇلاققا تاققان سىرعالارىمەن تانىمال بولعان اتىشۋلى «Ninety Оne» توبى جايىندا قاراعاندىلىق جاستاردىڭ پىكىرىن سۇراپ بىلگەن ەدىك.
«كارىستەرگە قاتتى ەلىكتەيتىنى كورىنىپ تۇرادى. شاشتارىن ءارتۇرلى تۇسكە بوياپ الىپ، سالاقتاعان كيىم كيگەندەرى دە كوزگە وعاش كورىنەدى. قازاققا جات نارسە. قازىر مەكتەپ وقۋشىلارىنىڭ وسى توپقا قاتتى ەلىكتەيتىنىن بايقاپ ءجۇرمىن. بوزبالالار دا وسىلايشا اۋى سالاقتاعان نەمەسە جىرتىق شالبار كيىپ جۇرەدى. بۇلاي جالعاسا بەرسە بالالارىمىز قۇلاقتارىنا سىرعا تاعىپ، قاسى- كوزىن بويايتىن بولاتىن شىعار»، - دەيدى ءنازيرا ەسىمدى قاراعاندىلىق تۇرعىن.
«سىرت كەلبەتتەرى ادام شوشىرلىق. مۇمكىن ەلگە تانىلۋ ءۇشىن ىستەيتىن ىستەرى شىعار. بۇل توپقا جاستاردىڭ ەلىكتەگەنى دۇرىس ەمەس. جاستارىمىزدىڭ ودان دا مەيرامبەك، قايرات سياقتى ازاماتتارعا ەلىكتەگەنىن قالايمىن»، - دەدى ارنۇر ەسىمدى بوزبالا.
اينۇر ەسىمدى بويجەتكەننىڭ ايتۋىنشا، توپتاعى جىگىتتەردىڭ قازاق بولا تۇرا وسىلاي كيىنۋىنە باستى سەبەپ تانىمالدىلىققا يە بولۋ.
«ۇيالى تەلەفونىما ءبىر ولەڭىن جازىپ العانمىن. اندا- ساندا تىڭدايمىن. ءبىراق بەينەكليپتەرىن قارامايمىن. الەۋمەتتىك جەلىلەردەگى پاراقشالارىنا دا جازىلماعانمىن. جالپى، بۇل توپتى كوزبەن كورۋ زيان دەپ ويلايمىن. وزدەرىمەن وزدەرى اۋرە بولىپ جۇرگەن توپ قوي. قالاي تانىمال بولساق، قالاي جارناما جاساساق دەپ نە ىستەرلەرىن بىلمەي ءجۇر. مۇلدەم كوڭىل اۋدارماساق، ازداعان ۋاقىتتان سوڭ قۇرىپ كەتەدى دەپ ويلايمىن. سوندىقتان دا جارناما جاساۋعا اتسالىسپاي- اق قويايىق»، - دەيدى اينۇر.
رەسمي تاراتىلعان اقپاراتتىڭ نۇسقاسىنا سايكەس، كونسەرتتىڭ بولماۋ سەبەبى - ۇيىمداستىرۋشىلار قۇجاتتى دۇرىس رەسىمدەمەگەن. مەملەكەتتىك مۇلىك دەپارتامەنتىمەن كەلىسىمشارت جاسالماعان. ءوز كەزەگىندە ۇيىمداستىرۋشىلار تەحنيكالىق سەبەپتەردى دە جەلەۋ ەتكەن.
بۇل رەتتە، ينتەرنەتتە قاراعاندى اكىمى نۇرلان اۋباكىروۆتىڭ اتىنا جازىلعان حات تارالعانى بەلگىلى. ءوتىنىش اۆتورلارى وكتيابر اۋدانى جاستارىنىڭ اتىنان جۇگىنگەن. قازاق تىلىندە جازىلعان حاتتا اتالمىش توپ جاستارعا تەرىس تاربيە بەرەتىندىگى ايتىلادى. ولاردىڭ پىكىرىنشە، Ninety one مۇشەلەرى قازاق حالقىنىڭ داستۇرىنە، دىلىنە قارسى ارەكەتتەردى ناسيحاتتاۋدا.
قالا اكىمىنىڭ باسپا ءسوز قىزمەتىنەن ءمالىم ەتكەندەي، مادەنيەت بولىمىنە ۇجىمدىق ءوتىنىش كەلىپ تۇسكەن.
«كونسەرت 19 - قازاندا دوستىق ۇيىندە ءوتۋى ءتيىس بولاتىن. مادەنيەت بولىمىنە كونسەرتتى وتكىزبەۋ تالابىمەن ءوتىنىش تۇسكەن. وعان 300 ادام قول قويعان»، - دەپ اتاپ ءوتتى قالا اكىمىنىڭ باسپا ءسوز قىزمەتىنەن.
yvision.kz