اشىلۋ ءراسىمىن ق ب ف اتقارۋشى ديرەكتورى بەكجان بەكتەنوۆ، ق ب ف ۆيتسە-پرەزيدەنتى يۋري سحاي جانە فەدەراتسيانىڭ باسقا دا وكىلدەرى وتكىزدى. شاراعا قۇرمەتتى قوناق رەتىندە جامبىل وبلىسىنىڭ اكىمى كارىم كوكىرەكبايەۆ شاقىرتىلدى. شۋ تۇرعىندارى وليمپيادا چەمپيوندارى سەرىك ساپيەۆ پەن دانيار ەلەۋسىنوۆتى قارسى الدى.
«تارلان» كەشەنى قبف قاراجاتىنا سالىندى. بۇل ق ب ف پرەزيدەنتى تيمۋر قۇلىبايەۆ باستاماشىلىق ەتكەن وڭىرلەردىڭ سپورتتىق ينفراقۇرىلىمىن دامىتۋ جۇمىستارى اياسىندا سالىنعان ءتورتىنشى كەشەن. مۇنداي كەشەندەر سەمەيدە، قىزىلوردادا، تۇركىستاندا ءساتتى جۇمىس ىستەۋدە.