ءسادۋاقاسوۆا العاشقى كونسەرتى جونىندە ايتىپ بەردى - كەسكىن
16:07, 19 - قازان 2016
استانا. قازاقپارات - ءمادينا ءسادۋاقاسوۆا 20 جىلدىق ءان كەشىنە قىزۋ دايىندالىپ جاتىر. بۇگىن ءانشى كونسەرت بارىسىندا قانداي وتاندىق ديزاينەرلەردىڭ كيىمدەرىن كيىپ شىعاتىنىن ايتتى.
ءسادۋاقاسوۆانىڭ العاشقى جەكە كونتسەرتى تىڭ جاڭالىقتارعا تولى بولماق. بىرىنشىدەن، ءانشى مەيرامبەك بەسپايەۆپەن دۋەت ورىندايدى. ودان بولەك، ءمادينا روزا رىمبايەۆامەن، تورەعالي تورەالىمەن قوسىلا ءان شىرقايدى. ءانشى كونسەرت بارىسىندا وتاندىق ءتورت ديزاينەردىڭ كيىمدەرىن كيىپ شىعاتىنىن جەلى پاراقشاسىندا جازدى. ولار: «ارۋناز ديزاين» ءسان ءۇيى، ديزاينەرلەر - نايل بايكۋچۋكوۆ، كارينا قيلىبايەۆا جانە ايمان توقتاعۇلوۆا.
«مەنىڭ ويىمشا، زالدا وتىرعان كورەرمەن ۇستىمدە قاي ءسان ءۇيىنىڭ كويلەگى ەكەنىن بىردەن تانىپ قوياتىن سياقتى...» - دەپ جازدى ءمادينانىڭ ءوزى جەلىدەگى پاراقشاسىندا.
سونداي- اق، ق ر حالىق ءارتىسى روزا رىمبايەۆامەن دايىندىق بارىسىنداعى ۆيدەوسىمەن ءبولىستى.