اۋعانستاننىڭ ۆيتسە- پرەزيدەنتى جاراقاتتاندى

استانا. قازاقپارات - "تاليبان" قوزعالىسىنىڭ سودىرلارى اۋعانستاننىڭ ۆيتسە-پرەزيدەنتى گەنەرال ابدۋل-راشيد دۋستۋمدى جاراقاتتادى، دەپ حابارلايدى قازاقپارات Khaama Press اگەنتتىگىنە سىلتەمە جاساپ.

دۋستۋم وتكەن اپتادا تاليبتەر باسىپ العان گورماچ اۋدانىندا قاۋىپسىزدىك قىزمەتىنىڭ جاساعىنا ىلەسىپ كەلە جاتقاندا، ەلدىڭ سولتۇستىك-باتىسىندا فارياب پروۆينسياسىندا تورۋىلعا ءتۇستى. اۋعاندىق پرەمەر ابدۋللا ابدۋللا ۆيتسە-پرەزيدەنتتىڭ جەڭىل جاراقاتتانعانىن راستاپ، ونىڭ دەنساۋلىعىنا ەش قاۋىپ جوقتىعىن ايتتى.

تۇرىكتىڭ Anadolu اگەنتتىگى جاساققا شابۋىل كەزىندە اۋعاندىق 15 اسكەر قازا تاۋىپ، 20 سى جاراقاتتانعانىن حابارلادى.