تىلشىلەرگە زارداپ شەككەن بالانىڭ سۋرەتىن جاريالاۋعا تىيىم سالىنادى
تۇجىرىمداما نورمالارىنىڭ ءبىرى بالالاردىڭ سۋرەتتەرى مەن جەكە مالىمەتتەرىن قورعاۋعا ارنالعان.
«ءبىز كەز كەلگەن جايتتى ايتىپ وتىرعان جوقپىز. بالالار وتە قيىن جايتقا دۋشار بولاتىن اسا كۇردەلى ساتتەر بار. ءبىز اتالعان بالالارعا قاتىستى ادەپ بولۋى قاجەت دەپ سانايمىز. ويتكەنى، ولار ەندى ەسەيىپ كەلە جاتىر. ءبىز سىزدەردى وسى ادەپ نورمالارىن ساقتاۋعا شاقىرامىز. بۇل تەك زارداپ شەككەن بالالارعا عانا قاتىستى»، - دەدى ق ر اقپارات جانە كوممۋنيكاتسيالار ۆيتسە- ءمينيسترى الان اجىبايەۆ ب ا ق وكىلدەرىنىڭ ساۋالىنا وراي.
سونىمەن قاتار ول بۇل تەك زاڭ جوباسىنىڭ تۇجىرىمداماسى ەكەندىگىن جانە وعان ب ا ق وكىلدەرى ءوز ۇسىنىستارىن بەرە الاتىندىعىن، قۇجات نورماتيۆتىك-قۇقىقتىق اكتىلەر پورتالىندا كەز كەلگەن ازامات ءۇشىن تالقىلاۋ اشىق ەكەندىگىن اتاپ ءوتتى.
وسى ورايدا جۋرناليستەر جاريالاناتىن اقپاراتتىڭ ناقتىلىعىن تەكسەرۋگە قاتىستى نورمانىڭ قالاي جۇمىس ىستەيتىندىگىنە قىزىعۋشىلىق تانىتىپ، رەسمي قىزمەتتەردەن اقپارات الۋ ۇزاق ۋاقىتقا سوزىلاتىندىعىن، ال بۇل جەدەل جاڭالىقتى جەدەل بەرۋگە كەدەرگى جاسايتىندىعىن ايتتى. سونىمەن قاتار ولار ب ا ق- تا اتى- ءجونىن قۇپيا ۇستاۋعا كەپىلدىك بەرەتىن ينسايدەرلىك اقپارات كوزدەرىمەن جۇمىس قالاي رەتتەلەتىندىگىن دە سۇرادى.
«قازىرگى ۋاقىتتا جالعان اقپار كوپ. وكىنىشكە وراي، الەم بارىنشا كۇردەلى. سوندىقتان ءبىز جۋرناليستەر باستاپقى دەرەككوزىن ىزدەۋى قاجەت دەپ سانايمىز. ءباسپاسوز حاتشىلارى مەن باسپا ءسوز قىزمەتتەرى بۇلار ەڭ بەستى دەرەككوزدەرى»، - دەدى اجىبايەۆ.
اۆتور: مارلان جيەمباي