پرەزيدەنت باشار اساد ءۇشىنشى دۇنيەجۇزىلىك سوعىستىڭ سەزىلەتىندىگىن ايتتى
«قازىرگى تاڭدا ءورشۋ ساتىسىنداعى «قىرعي قاباق سوعىسىنا» ۇقساس جاعدايدى بايقاپ وتىرمىز»، - دەدى ول، ءوز ەلىندەگى قارسىلىقتىڭ كۇشەيۋىمەن بايلانىستى وقيعالاردى مەڭزەپ.
ونىڭ سوزىنە قاراعاندا، ازىرگە تىكەلەي اسكەري قاقتىعىستار جوق. «الايدا اسكەري، لاڭكەستىك جانە ساياسي تۇرعىدا بار»، - دەدى اساد. ول قازىر سيريا «بۇل سوعىستىڭ ءبىر بولىگى عانا» ەكەنىن ايتتى.
اسادتىڭ پىكىرىنشە، باتىس جانە نەگىزىنەن ا ق ش ك س ر و قۇلاعاننان كەيىن دە «قىرعي قاباق سوعىستى» توقتاتپادى. قازىر ۆاشينگتوننىڭ باستى ماقساتى - «الەمدەگى امەريكالىق ۇستەمدىكتى ساقتاپ قالۋ، ساياسي نەمەسە حالىقارالىق ارەنادا ەشكىمنىڭ سەرىكتەس بولۋىنا جول بەرمەۋ».
اساد ەلدە زاڭدى نەگىزدە جۇرگەن رەسەي، يران جانە «حەزباللا» شەيىت قوزعالىسى سيريانىڭ تۇراقتى وداقتاستارى ەكەنىن ايتتى. «ولار لاڭكەستەرگە قارسى سوعىسىپ جاتىر، الايدا تەررورشىلاردى قولداۋ ماقساتىندا ارالاسىپ جاتقان وزگە ەلدەر دە بار»، - دەپ اتاپ ءوتتى پرەزيدەنت.