13 - قازان كۇنى Reuters اگەنتتىگى حابارلاعانداي، مۇنداي باستاما دەنساۋلىق ساقتاۋ ءمينيسترى ەديت سحيپپەرس پەن قاۋىپسىزدىك جانە ادىلەتتىلىك ءمينيسترى ارتا ۆان دەر ستەرانىڭ حاتىندا ايتىلعان.
قۇجات اۆتورلارىنىڭ پايىمىنشا، «قاتاڭ جانە ناقتى كريتەريلەردى العا تارتقاننان كەيىن، دۇنيەدەگى تىرشىلىگىن اياقتاۋ تۋرالى سارالانعان شەشىمگە كەلگەندەرگە وزدەرى قالاعان ادىسپەن ومىرلەرىمەن قوش ايتىسۋعا رۇقسات بەرىلۋى ءتيىس». زاڭ جوباسىن دارىگەرلەرمەن جانە ادەپ جونىندەگى ماماندارمەن بىرلەسە 2017 -جىلدىڭ سوڭىنا دەيىن ءجىتى پىسىقتاۋ كوزدەلۋدە.
Reuters- ءتىڭ اتاپ وتۋىنشە، ەۆتانازيا گوللانديادا ءجيى قولدانىلادى. ماسەلەن، 2015 -جىلى 5516 ادام ءوز ەرىكتەرىمەن ومىرلەرىن ۇزگەن. بۇل اتالمىش ەلدەگى بارلىق ءولىم- ءجىتىمنىڭ 3,9 پايىزىن قۇرايدى.