اۆتوردىڭ ايتۋىنشا، ۆيدەو قاراعاندى وبلىسىنىڭ مويىنتى ستانساسىندا تۇسىرىلگەن. بەينەكورىنىستەن ەلەكتروۆوز قاتتى جىلدامدىقپەن كەتىپ بارا جاتقانىن، الايدا ونىڭ ۆاگوندارى اجىراپ ءسال كەيىندەپ قالعانىن كورۋگە بولادى.
«الاڭداۋعا نەگىز جوق. بۇل - جوسپارلى، سەرتيفيكاتتاۋ سىناقتارى. كەستە بويىنشا جۇرگىزىلۋدە، سوڭعى ەكى ايدا وتكىزىلىپ جاتىر. ول باسقا پويىزدار جۇرمەيتىن جىلدامدىقپەن ءوتۋ جولدارىندا وتكىزىلەدى»، - دەپ تۇسىنىك بەردى «تۇلپار- تالگو» ج ش س- نىڭ وندىرىستىك ديرەكتورىنىڭ ورىنباسارى ۆلاديمير كيسەليەۆ تەلەفونمەن حابارلاسقان «قازاقپارات» ح ا ا تىلشىسىنە.
وسى ۆيدەوداعى وقيعا مويىنتى جانە كيىكتى ستانسالارى اراسىندا بولعان.
قازىر جاڭا قۇرامنىڭ تەجەگىش قۇرىلعىلارى سىنالۋدا. «سىناق جۇرگىزۋ بارىسىندا وعان تەك زاۋىتتىڭ قىزمەتكەرلەرى عانا اتسالىسادى. بوگدە ادامدار جوق»، - دەدى ۆ. كيسەليەۆ.
كومپانيانىڭ اقپاراتىنا سەنسەك، سەرتيفيكاتتاۋ سىناقتارى 14 - قازانعا دەيىن سوزىلادى. ول ءمان- جايدى كورگەندەرگە تۇسىنىستىكپەن قاراپ، بايبالام شىعارماۋىن سۇرادى.