ەلىمىزدىڭ بەس وبلىسىندا ۇسىك جۇرەدى

استانا. قازاقپارات - ەلىمىزدىڭ بەس وبلىسىندا دابىلدى ەسكەرتۋ جاريالاندى، دەپ حابارلايدى قازگيدرومەت.

12-13 -قازاندا تۇندە باتىس قازاقستان، اتىراۋ، 13 -قازاندا تۇندە ماڭعىستاۋ، 13-14 -قازاندا تۇندە قىزىلوردا وبلىستارىندا اۋا تەمپەراتۋراسى 5 گرادۋسقا دەيىن تومەندەۋى كۇتىلەدى.

13 -قازاندا وڭتۇستىك قازاقستان وبلىسىندا جاۋىن شاشىن، تاڭەرتەڭ جانە كۇندىز كەي جەرلەردە قاتتى جاۋىن شاشىن، تاۋلى ايماقتاردا جاۋىن سوڭى قارعا ۇلاسادى، تۇمان ءتۇسۋى كۇتىلەدى. 13-15 -قازاندا تۇندە كەي جەرلەردە 3 گرادۋسقا دەيىن ۇسىك جۇرەدى.