ەرتە زامانداردا پينگۆيندەر جەر بەتىنەن الىپ دينوزاۆرلار جويىلعانعا دەيىن ۇشا الاتىن قاسيەتكە يە بولعان، - دەيدى. ا ق ش ورنيتولوگ- زەرتتەۋشىسى دەنيەل كسەپكا. ونىڭ ايتۋى بويىنشا پينگۆيندەر بىرنەشە دامۋ كەزەڭدەرىن باستان كەشىرگەن. سونىڭ ناتيجەسىندە ۇشا الۋ قاسيەتىن جوعالتىپ العان.
دەنيەل كسەپكانىڭ بولجامى بويىنشا جەر بەتىنەن الىپ دينوزاۆرلار جويىلعاننان كەيىن پينگۆيندەر سۋىق ايماقتارداعى مۇحيتتار مەن تەڭىزدەرگە «قونىس اۋدارۋعا» ءماجبۇر بولعان. سۋداعى بالىقپەن قورەكتەنۋدى ۇيرەنگەن. ناتيجەسىندە قاناتتارىندا وزگەرىستەر ورىن الىپ، كەۋدەلەرىنىڭ قاۋىرسىنى قالىڭداپ، بۇلشىق ەتتەرى نىعايعان.
ا ق ش زەرتتەۋشىسى باستاعان ورنيتولوگتاردىڭ ايتۋى بويىنشا پينگۆيندەردىڭ ۇشا الۋ قاسيەتىن جوعالتۋى - ولاردىڭ دامۋ ساتىسىنداعى ەڭ ۇلكەن وزگەرىستەردىڭ ءبىرى.
- پينگۆيندەر ازىعىن تابۋ ءۇشىن مۇحيتتار مەن تەڭىزدەر جاعاسىنا بارۋعا ءماجبۇر بولدى. ولار ءۇشىن وندا اشتىقتان ساقتايتىن ەڭ باستى ازىق سۋدان تابىلدى. ناتيجەسىندە ولار ۇشا الۋ قابىلەتىن جۇزۋگە الماستىردى، - دەيدى دەنيەل كسەپكا.
ايتا كەتەيىك، پينگۆيندەر كوبىنە وڭتۇستىك جارتىشاردا مەكەن ەتەدى. نەگىزىنەن انتاركتيدادا تىرشىلىك ەتەتىن قۇس. دەگەنمەن، انتاركتيدانىڭ ىزعارىنان وزگە جەردە دە تىرشىلىك ەتەتىن پينگۆيندەر بار. مىسالى، گالاپاگوس ارالدارىن «گالاپاگوس پينگۆينى» دەگەن اتتى العان پينگۆين ءتۇرى مەكەندەيدى. ول جاقتا جىل بويى تەمپەراتۋرا سەلسي شكالاسى بويىنشا، 18, 28 گرادۋستى كورسەتىپ تۇرادى.
massaget.kz