«ءۇيىم جوق، باسپانا تار» دەگەن، بالا تاپقىسى كەلمەيتىن ايەلدەردىڭ سىلتاۋى ما، قالاي ويلايسىز؟ بۇل ماسەلەنى جاھاندىق دەڭگەيدە ويلاساق، قازاققا شۇعىل تۇردە كوبەيۋى كەرەك ەكەن. ىرگەمىزدەگى ءىرى ەلدەرگە قارسى تۇرۋدىڭ، جۇتىلىپ كەتپەۋدىڭ ءبىر امالى وسى.
سوڭعى كەزدەرى وسى ماسەلە الەۋمەتتىك جەلىدە وتكىر كوتەرىلىپ ءجۇر. «ايتىلۋى كەرەك. اقشا، مانساپ قۋعان ايەلدەر بالا تاپسا، قازاقتىڭ سانىن كوبەيتسە، ساۋاپ بولادى»، - دەيدى جەلىدەگى جۇرت. راس- اۋ، وسى...
الەۋمەتتىك جەلىنى بەلسەندى قولدانۋشىنىڭ ءبىرى داۋلەت سەرىكباي ءدال وسى دۇنيەنى كوتەرگەن ەكەن. بۇگەجىكتەمەي تۋراسىن ايتقان. سونىمەن ۇنادى جازباسى. ول نە دەيدى، سوندا؟
ماحاببات اۋىلدا عانا بار ما؟
«باياعىدا بايى جامان كيىم كيگەن قويشى بولسا دا، ايەلى جامان حالات كيگەن ساۋىنشى بولسا دا ءبىر-ءبىرىن ءسۇيىپ، 10 بالالى بولاتىن ەدى. سونداي ماحابباتتىڭ ارقاسىندا دۇنيەگە كەلگەنمىن، مىنا مەن.
قازىر بايى گالستۋك تاققان بانكير بولسا دا، ايەلى گولليۆۋدتىڭ حانشايىمىنداي، ءۇستى-باسى تولعان التىن بولسا دا ءبىر- بىرلەرىن سۇيمەي مە، ايتەۋىر بالا تاپپايدى عوي.
بالا بولماسا، تۇلعالار قايدان شىعادى؟ ماحاببات اۋىلدا عانا بار ەكەن. قالانىڭ قاتىندارىندا ماحاببات پەن قاناعات جوق ەكەن.
اۋىل ادامدارىنىڭ بار بايلىعى - بالاسى. قالا ادامدارىنىڭ بار بايلىعى - اقشاسى. ءۇيىم جوق، ءۇيىم ءبىر بولمە عانا دەگەن سىلتاۋ ەمەس، ءۇيىڭ جوق بولسا، قالادا نە ءبىتىرىپ ءجۇرسىڭ. كىشكەنتاي كيىز ۇيگە 10 بالا سىيعانبىز...
365info.kz