تاۋەلسىزدىك قۇرداسى: ەلباسىعا ۇقساعىم كەلەدى
بۇل تۋرالى تاۋەلسىزدىكتىڭ قۇرداسى كوكشەتاۋ قالاسىنىڭ تۇرعىنى نۇرسۇلتان جاعىپاروۆ ءمالىم ەتتى.
كەيىپكەرىمىز ەلىمىز تاۋەلسىزدىك العان 1991 -جىلدىڭ 19 -ناۋرىزىندا دۇنيەگە كەلىپتى. ونىڭ ەسىمىن سۇيىكتى اجەسى گۇلنار جاعىپاروۆا جاقسى ىرىمعا بالاپ، نۇرسۇلتان دەپ قويعان. بۇگىندە كوكشەتاۋ قالاسىنداعى جەرگىلىكتى ب ا ق- تىڭ بىرىندە جارناما مەنەدجەرى بولىپ قىزمەت ىستەيتىن ول ءوزىن تاۋەلسىزدىكتىڭ قۇرداسى ءارى ەلباسىمەن اتتاس ەكەنىن ماقتان تۇتادى.
«ەلىمىزدە 1991 -جىلدان باستاپ تاۋەلسىزدىك كۇنىن تويلانىپ كەلەدى. قازىر قازاقستاندى بۇكىل الەم تانىپ ۇلگەردى. سوندىقتان دا تاۋەلسىزدىكتىڭ قۇرداسى بولعانىم مەن ءۇشىن ۇلكەن ابىروي.»، - دەيدى ن. جاعىپاروۆ.
كەيىپكەرىمىزدىڭ نۇرسۇلتان اتالۋىنىڭ وزىندىك سىرى بار كورىنەدى.
«كىشكەنتاي كەزىمدە اجەمنەن ەستىگەنىمدى نەگە نۇرسۇلتان قويعانىن ءجيى سۇرايتىن ەدىم. اجەم ماعان پرەزيدەنتىمىز تۋرالى جالىقپاي اڭگىمەلەپ، نۇرسۇلتانداي ءبىلىمدى، ەل سىيلايتىن ازامات بولسىن دەگەن ىرىممەن قويدىم دەيتىن. كەيىن وسە كەلە، كوز جەتكىزگەندەي ىڭگالاپ دۇنيەگە كەلگەن كەزىمدە اجەم گۇلنار حاميت قىزى ەلباسىنا ارنايى حات جولداپ، مەنىڭ ەسىمىمدى نۇرسۇلتان دەپ قويۋعا نيەت بىلدىرگەن ەكەن. كوپ ۇزاماي پرەزيدەنتىمىز نۇرسۇلتان ءابىش ۇلى نازاربايەۆ قۇپ كورىپ، جاۋاپ قايتارىپتى»، دەي كەلە، كەيىپكەرىمىز قازىرگى كەزدە اتا- اناسى وسىناۋ حاتتى كوزىنىڭ قاراشىعىنداي ساقتاپ كەلە جاتقاندىعىن جانە ەلباسىداي بولماسا دا، ۇقساپ باعۋعا تىرىساتىن اتاپ ءوتتى.
«جالپى ەسىمىمنىڭ نۇرسۇلتان بولعانىنا قۋانامىن، ماقتانامىن. ماقساتىم ەلباسىمىزعا ۇقساپ، مەن دە جۇرگەن جەرىمدە كوشباسشى بولعاندى ۇناتامىن. تاۋەلسىز ەل بولۋعا تۇڭعىش پرەزيدەنتىمىزدىڭ ەڭبەگى زور. ەلباسىمىز ءار كەزدە جاستارعا قامقور، ۇنەمى كوڭىل ءبولىپ وتىراتىنى قۋانتادى، - دەدى ن. جاعىپاروۆ.