استانا قالاسىنىڭ دەنساۋلىق ساقتاۋ باسقارماسىنىڭ حابارلاۋىنشا، قازىرگى زامانعى ۆاكسينالار اسا ءتيىمدى، قاۋىپسىز جانە التى ايدان اسقان بالالار مەن ەرەسەكتەر اراسىندا تۇماۋدىڭ الدىن الۋعا باعىتتالعان. يممۋنيتەتتى كۇشەيتۋگە 2 كۇننەن 7-15 كۇنگە دەيىن ۋاقىت قاجەت جانە ول 6-ايدان 12 ايعا دەيىن ساقتالادى.
ۆاكسينالاۋ تۇماۋعا جاتپايتىن باسقا ۆيرۋستىق ينفەكسياعا قارسى قورعاۋدى قامتاماسىز ەتپەيدى، ءبىراق ۆاكسيناتسيا اۋرۋدىڭ وتە جەڭىل تۇردە وتۋىنە سەپ بولادى جانە ونىڭ اسقىنۋىنا جول بەرمەيدى.
تۇماۋعا قارسى ۆاكسينالاۋ ەكپەنىڭ ۇلتتىق كۇنتىزبەسىنە جاتپايدى، ونى اقىلى ەكپە جاساۋ پۋنكتتەرىندە سالعىزۋعا بولادى.
ايتا كەتەيىك، بيىل استانا قالاسى اكىمدىگىنىڭ قولداۋىمەن حالىقتىڭ الەۋمەتتىك قورعالماعان توپتارىنا ەكپە جاساۋ ءۇشىن تۇماۋعا قارسى «گريپپول» ۆاكتسيناسىنىڭ 15055 داناسى ساتىپ الىندى. ەكپە بالالار ءۇيىنىڭ، نارەستەلەر ءۇيىنىڭ تاربيەلەنۋشىلەرىنە، مۇگەدەكتەر ۇيىندەگى تۇلعالار مەن سوعىس ارداگەرلەرىنە، سونداي- اق، «تاۋەكەل توپقا» جاتاتىن بالالارعا، ەكىنشى جانە ءۇشىنشى تريمەستردەگى جۇكتى ايەلدەرگە سالىنادى.