رەسەي ءتيىستى كەلىسىمگە قوسىلۋعا دايىن. بۇل تۋرالى دۇيسەنبى، 10 - قازان كۇنى ىستامبۇلدا وتكەن الەمدىك ەنەرگەتيكا كونگرەسىنىڭ ارنايى سەسسياسىندا رەسەي پرەزيدەنتى ۆلاديمير پۋتين مالىمدەدى، دەپ حابارلايدى قازاقپارات ت ا س س اگەنتتىگىنە سىلتەمە جاساپ.
«رەسەي ءوندىرىستى شەكتەۋ جونىندەگى بىرلەسكەن شارالارعا قوسىلۋعا دايىن جانە وزگە دە مۇناي ەكسپورتتاۋشىلاردى وسىلاي ىستەۋگە شاقىرادى»، - دەدى ۆ. پۋتين. ر ف ناقتى كەلىسىمدەرگە قاراشا ايىندا و پ ە ك (مۇناي ەكسپورتتاۋشى ەلدەر ۇيىمى) ەلدەرىنىڭ كەزدەسۋىندە قول جەتكىزىلەدى دەپ ۇمىتتەنەدى.
رەسەي پرەزيدەنتىنىڭ مالىمدەمەسى اياسىندا مۇناي باعاسى ءوسىمىن جالعاستىردى.
10 - قازان كۇنى ساۋد ارابياسىنىڭ ەنەرگەتيكا ءمينيسترى حاليد ال- فاليح 2016 - جىلدىڭ سوڭىنا قاراي مۇناي باعاسىنىڭ بارەللى 60 دوللارعا جەتەتىنىن مالىمدەگەن ەدى.
ىستامبۇلدا وتەتىن كونگرەسس جۇمىسى بارىسىندا و پ ە ك- قا مۇشە جانە ۇيىمعا كىرمەيتىن مەملەكەتتەر اراسىندا مۇناي ءوندىرىسىن شەكتەۋ ماسەلەسى جونىندە كەڭەستەر وتەدى. بەيرەسمي كەزدەسۋگە رەسەي، ساۋد ارابياسى، ازەربايجان، الجير، ۆەنەسۋەلا، گابون، كاتار، كۋۆەيت جانە بىرىككەن اراب امىرلىكتەرى وكىلدەرى قاتىسادى.
مۇناي ءوندىرىسىن شەكتەۋ تۋرالى و پ ە ك ەلدەرى 28 - قىركۇيەكتە كەلىسكەن بولاتىن.