بۇل تۋرالى تولقىن ەسىمدى شەتەلدە تۇراتىن قازاق قىزى ءوزىنىڭ جەلىدەگى پاراقشاسىنا جازدى.
ءوزىن جۋرناليست ەمەسپىن دەپ تانىستىرعان بويجەتكەن قازاق تەليەۆيدەنيەسىندەگى «بوتوكستار مەن مەگاجۇلدىز بلوگەرلەر» تۋرالى ءسوز قوزعادى.
ونىڭ ايتۋىنشا، ءمۇسىنى مەن بەت- الپەتىنىڭ سۇلۋلىعى ءۇشىن ەكراننان تۇسپەيتىن ءانشى جۇلدىزداردان ەلدىڭ ءبارى شارشاعان.
«ءتىپتى بەتتەرى بوتوكس- بوتوكس بولىپ، بەتى ميميكاعا كەلمەيتىن مەگا سۋپەر كەلىنشەكتەر قازاق ەكرانىن باسىپ الىپتى. جەكە باسىنا تيىسپەيمىن، تەك تەليەۆيدەنيەدەگى جۇرگىزۋ مانەراسىنا، شەبەرلىگىنە توقتالايىن. تاڭشولپان باعدارلاماسىنا ءانشى گۇلنۇر ورازىمبەتوۆا كەلدى. انشىلىگىنە داۋىم جوق. ءبىراق بەتى، فيگۋراسى ادەمى بولعانى ءۇشىن ەكراننان تۇسپەيدى. قوناققا دايار سۇراقتى ارەڭ قويادى ەكەن، سۇحباتتاسۋشىنى كەرەمەت ديالوگقا شاقىرا المايدى»، - دەدى ول ءانشى گۇلنۇر ورازىمبەتوۆانىڭ جۇرگىزۋشىلىككە بەت بۇرعانىن سىنعا الىپ.
سونىمەن بىرگە، ول «ر» ارپىنە ءتىلى كەلمەيتىن اقىن اينۇر تۇرسىنبايەۆانى دا نازاردان تىس قالدىرمادى. ونىڭ ايتۋىنشا، اينۇرعا دەفەكتولوگقا بارعان ابزال.
«ءبىزدىڭ ۇيگە كاسىبي زاڭگەر، بىلىكتى جۇرگىزۋشى اسەل اكباروۆاعا قاباتتاسىپ اينۇر تۇرسىنبايەۆا كەپتى. حوش سونىمەن، اينۇر تۇرسىنبايەۆا ايتىسكەر ەكەنىنە داۋلاسا المايمىن. ينستاگرامدا كۇندە ەت اسىپ، كۇندە كويلەك اۋىستىرىپ، ءجۇرسىن اعاسىن جاعالاپ ايتىسىن ايتىپ جۇرە بەرسىن. تەك جۋرناليستەردىڭ جۇمىسىنا جارماسپاسىن. ەفير زاڭى دەگەن بار. حالىقتى سىيلاسىن، «ر» ارپىنە ءتىلى كەلمەي مۇكىستەنەتىن ادامنىڭ كۇندە حاباردا قالىڭ قاۋىمعا باعدارلاما جۇرگىزۋى جاقسى ەمەس. دەفەكتولوگ ۇستازدارعا بارسىن. ءبىراق بەتىم ادەمى، بەلىم قىلداي دەپ، بوتوكس، ليفتينگمەن تولتىرعان دەنەسى مەن سۇلۋلىعىن پايدالانىپ، اقىلى كوپ بولسا دا اجارى كەمشىن بوپ تۇرعان جۋرناليستەردىڭ الدىن وراۋى ابەس. ەفيردە ەڭ ءبىرىنشى قىرىق ەكى ءارىپتى دۇرىس ايتا الاتىن كاسىبي جۋرناليست سويلەۋى كەرەك»، - دەپ قىنجىلدى شەتەلدەگى قانداس.
ول ەفيردە رەيتينگىسى جوعارى باعدارلامالار حالىقتىڭ ساناسىنا كەرى اسەرىن تيگىزىپ، ولاردىڭ ينتەللەكتۋالدى تۇرعىدان دامۋىنا كەدەرگى بولادى دەپ سانايتىنىن جەتكىزدى.
«بەنەفيس شوۋداعى قاراقات پەن ءقىدىرالى، قىزىقتايمس، تويباستار، ءبىزدىڭ ءۇي، اشا ماتاي مەن كەشيۋدىڭ قىزدارى «سالەم قازاقستان» جۇرگىزەتىن تاعى باسقا مىڭداعان كوڭىل كوتەرەتىن باعدارلامالاردى دا بۇل تىزىمگە قوسا الامىز. قازىر ەفير اۋزى بوتوكس، رەكلاما كوتەكس بولىپ كەتتى. كەشە ونلاين ءبىراز پروگرامداردى قاراپ قارنىم اشتى انشىلەردىڭ باعدارلاما جۇرگىزۋىنە. وسى كىسىلەرگە قاراعاندا فيلفاك پەن جۋرفاكتى بىتىرگەندەر الدەقاشان ارتىق. سۇراقتى دۇرىس قويا الىپ، ءوز ءماتىنىن ءوزى جازا الادى عوي. ال ەكونوميكالىق پروگرامدى ەكونوميست جۇرگىزگەنىن، ساياسي پروگرامداردى پوليتولوگتار جۇرگىزگەنىنە قارسى ەمەسپىن. سەبەبى ەكونوميكا سالاسىنا، ساياسي ماسەلەلەرگە ماشىقتالعان جۋرناليست از. ال انشىلەردىڭ كەسىرىنەن كوپ جاس سولاردى سۇلۋلىقتىڭ يدەالى تۇتىپ، نەشە ءتۇرلى پلاستيكالىق وتالاردىڭ قۇربانى بولايىن دەپ تۇر»، - دەگەن ول جاستار مۇنداي سۇلۋلىقتى كورىپ، وزدەرىنە كوڭىلى تولماۋى دا مۇمكىن ەكەنىن ەسكەرتتى.
«دەموكراتيالىق كورەيا، قازاقستان تەلە ارنالارى وڭشەڭ ميسستەرگە تولى. قازاقستان تەلە ارنالارىندا كوبىندە كوڭىل كوتەرۋگە ارنالعان پروگراممالار تولىپ تۇر. بۇدان نەنى تۇسىنۋگە بولادى. ادام كوڭىلدەنگەن سايىن ويلانبايدى. ومىرىنە شاعىمدانبايدى، ەكرانداعى ىردۋ- دىردۋدى كورىپ وتىرىپ. ياعني ويىن ساۋىق باعدارلامالارى ارقىلى حالىقتىڭ كوزى بىتەلۋى دە مۇمكىن»، - دەدى ول.
«ساقاۋلانباي، ەرىندى ءدۇرديتىپ، ەروتيكالىق كەيىپكەرلەرگە ۇقساماي ەفيردى كاسىبي جۋرناليستەرگە بەرىڭىز. انشىلەر، ءانشى كەلىنشەكتەر ينستاگرامدا كويلەك كونشەك، تۋرسي- پۋرسي مەن پلاستيكالىق حيرۋرگيانى، ۇلكەن ءتوس پەن ماي كوتەندى فوللوۋەرلەرىڭىزگە جارنامالاپ وتىرا بەرىڭىزدەر، بيزنەستەرىڭىزدى دامىتىپ. ءبىراق قازاق ءتىلدى باعدارلامالاردى جۇرگىزبەي- اق قويىڭىزدارشى»، - دەپ سۇرادى ول.
«راديودا جۇرگەن داۋسىن عانا ەستيتىن جۋرناليستەردى دە ەفيردەن كورگىم كەلەدى. ولاردىڭ التىن داۋسى قازاق ەفيرىن جارقىراتارى ءسوزسىز»، - دەگەن ول نازاردان تىس قالىپ جۋرناليستەردى دە ءدال وسىلاي كيىندىرىپ، بوياندىرسا، ولاردان وتكەن سۇلۋ بولماسى انىق دەگەندى ايتتى. ءبىراق، كاسىبيلىگى ايتارلىقتاي جوعارى بولار ەدى دەدى.