پۋتين نەلىكتەن ءوزىن باتىستىڭ جاقتىرمايتىنىن ايتىپ بەردى
09:58, 09 - قازان 2016
استانا. قازاقپارات - رەسەي پرەزيدەنتى ۆلاديمير پۋتين نەلىكتەن ءوزىن باتىس ەلدەرىنىڭ جاقتىرمايتىنىن ايتىپ بەردى.
بۇل تۋرالى ن ت ۆ حابارلايدى.
رەسەي پرەزيدەنتى نەمىس جۋرناليستى حۋبەرت زايپەلدىڭ دەرەكتى فيلمىنە سۇحبات بەرگەن. فيلمنىڭ 46- مينۋتىندا «باتىس تاراپى نەلىكتەن سىزگە سالقىن كوزقاراس تانىتادى؟» دەگەن جۋرناليست ساۋالىنا پۋتين: «قورقىنىش»، - جاۋاپ بەرەدى.
«ءسىز باتىس سەكىلدى بولۋىڭىز كەرەك. قايىرىمدى بولىپ، باتىس ەرەجەسىن قابىل الىڭىز. جوق، جوق... مەنى حالىق قالاي قابىلدايدى، مەن سونداي بولۋىم كەرەك»، - دەدى پرەزيدەنت.
زايپەل - نەمىس جۋرناليستى جانە بىرنەشە دەرەكتى فيلمدەردىڭ اۆتورى. ول «مەن پۋتينمىن. پورترەت» دەگەن فيلم تۇسىرگەن.