اتىراۋدىڭ ورتالىعىنا مۇناي سوراتىن قۇرىلعى ورناتىلدى - فوتو
«مەملەكەت باسشىسى اتىراۋدى قازاقستاننىڭ مۇناي استاناسى دەپ اتادى. ءبىز قالامىزدىڭ قازاقستاننىڭ تەك مۇناي استاناسى عانا ەمەس، سونىمەن قاتار، رۋحاني، مادەني ورتالىعى بولۋى ءۇشىن دە كۇش سالامىز» - دەدى قالا اكىمى سەرىك شاپكەنوۆ مەرەكەگە قاتىسۋشىلارعا قاراتا ايتقان سوزىندە.
مەرەكەنى اتاپ ءوتۋ شارالارىنىڭ اياسىندا ورتالىق كوپىر جانىنداعى جاسىل ارالدا وسى ءوڭىردىڭ سيمۆولىنا اينالعان مۇناي سوراتىن قۇرىلعىنىڭ كوشىرمەسى ورناتىلدى. ول 24 ساعات بويى توقتاۋسىز جۇمىس ىستەپ تۇرعان قۇرىلعىنى ەلەستەتەدى.
كۇنى بويى قالادا بىرنەشە سپورتتىق ءىس- شارا ءوتتى. ورال وزەنىندە بايداركا ەسۋشىلەر ءوزارا سىنعا تۇسسە، قاشىقتىققا جۇگىرۋ بويىنشا، ۆەلو جانە موتوجارىستار دا ۇيىمداستىرىلدى. ماحامبەت پەن يساتاي الاڭىندا قولونەر شەبەرلەرى ونىمدەرىنىڭ كورمەسى ءوتىپ، كونسەرت ۇيىمداستىرىلىپ، وعان وڭىردە جۇمىس ىستەپ جاتقان 16 ەتنومادەني بىرلەستىك وكىلدەرى قاتىستى.
كەشكىسىن ماحامبەت اتىنداعى دراما تەاتردىڭ الدىندا قازاقستاننىڭ ەسترادا جۇلدىزدارىنىڭ كونتسەرتى ءوتتى. توي مەرەكەلىك وتشاشۋمەن اياقتالدى.