دەپ حابارلايدى قازاقپارات.
«قازاقستاندا ادام ساۋداسى جاپپاي سيپاتقا يە ەمەس. اۆستراليالىق قۇقىق قورعاۋ ۇيىمىنىڭ مالىمەتتەرىنە سايكەس، قازاقستان رەسپۋبليكاسى ادام ساۋداسى دەڭگەيى بويىنشا 170 ەلدىڭ ىشىندە شامامەن 85-86- ورىندا تۇر»، - دەدى ول.
وسى رەتتە ابىشيەۆ ەلىمىزدىڭ باس پروكۋراتۋراسىنىڭ مالىمەتتەرىنە سۇيەنە وتىرىپ، جىل سايىن قازاقستاندا ادام ساۋداسىنا قاتىستى 350-400 قىلمىستىق ءىس قوزعالاتىندىعىن اتاپ ءوتتى. ونىڭ ايتۋىنشا، ءبىرىنشى ورىندا ادامداردى ەڭبەك كۇشى رەتىندە پايدالانۋ، ال ەكىنشى ورىندا جىنىستىق قاتىناسقا ماجبۇرلەۋ تۇر.
«ال امەريكادا كەرىسىنشە، بۇل ەلدە جىنىستىق قاتىناسقا پايدالانۋ باسىم بولسا، ادام كۇشىن پايدالانۋ نولدىك دەڭگەيدە»، - دەدى كوميسسيا حاتشىسى.
ايتا كەتەيىك، ۇكىمەت ۇيىندە ق ر پرەزيدەنتى جانىنداعى ادام قۇقىقتارى جونىندەگى كوميسسيانىڭ ساراپشىلار كەڭەسى ەلباسى قاراۋىنا ەنگىزىلەتىن «قازاقستان رەسپۋبليكاسىنداعى ەڭبەك ميگرانتتارى جانە ادام ساۋداسى قۇرباندارىنىڭ قۇقىقتارىن قورعاۋدىڭ وزەكتى پروبلەمالارى» اتتى تالداۋ بايانداماسىنىڭ جوباسى تالقىلاندى. بايانداما ۇسىنىمدارى قازاقستانداعى جۇمىس ءۇشىن جوعارى بىلىكتى مامانداردى تارتۋعا جانە ەلدىڭ بارلىق وڭىرلەرىندە ادام ساۋداسى قۇرباندارىنا ارنايى الەۋمەتتىك قىزمەت كورسەتۋ ستاندارتتارىن ەنگىزۋگە باعىتتالعان. مۇنان بولەك، اتالعان قۇجاتتا ازاماتتىق قوعام ينستيتۋتى الەۋەتىنىڭ رەسۋرستارىن ادام ساۋداسىنا قارسى ءىس- قيمىل، حالىقتى قۇقىقتىق اعارتۋدى جانداندىرۋ سالاسىندا پايدالانۋ قاجەتتىگى اتالىپ وتكەن.
جالپى، تالقىلاۋعا قاتىسقان حالىقارالىق جانە ۇلتتىق ساراپشىلار كوميسسيانىڭ بۇل تالداۋ بايانداماسى بىرەگەي ەكەنىن جانە ت م د مەن بالتىق ەلدەرىنىڭ قۇقىق قورعاۋ كەڭىستىگىندە كەزدەسپەيتىندىگى ايتىلعان.
ساراپشىلىق كەڭەستىڭ جان- جاقتى تالقىلاۋىنان كەيىن كوميسسيا بايانداماسى مەملەكەت باسشىسىنىڭ قاراۋىنا جانە بەكىتۋىنە جولداۋ تۋرالى شەشىم قابىلداندى.
اۆتور: مارلان جيەمباي