قازاقستاندىق ازامات تاۋىستاردى رەسەيگە زاڭسىز شىعارماق بولعان
17:27, 08 - قازان 2016
استانا. قازاقپارات - شىمكەنت تۇرعىنى قۇستاردى سىيلىق رەتىندە ۇسىنباق بولعان.
قازاقستان ازاماتى شىمكەنتتەن كراسنويارسككە ۆەتەرينارلىق قۇجاتسىز ءۇش تاۋىس اپارا جاتقان، دەپ حابارلادى التاي رەسپۋبليكاسى مەن التاي ولكەسى بويىنشا رەسەي اۋىل شارۋاشىلىعىن باقىلاۋ مەكەمەسىنىڭ باسپا ءسوز قىزمەتى.
«قازاقستان تۇرعىنى ءۇش قۇستى «سارى اعاش- كراسنويارسك» اۆتوبۋسىمەن اپارا جاتقان. زاڭ بۇزۋشى قۇستاردى ۇيلەنۋ تويىنا سىيلىق رەتىندە تارتۋ ەتپەك بولعانىن ءتۇسىندىردى. كەدەنشىلەر قۇستاردى تاركىلەدى، ال ولاردىڭ يەسىنە «رەسەيگە ەنگىزىلەتىن تاۋارلارعا قويىلعان شەكتەۋدى ساقتاماعانى» ءۇشىن ايىپپۇل سالدى»، دەلىنگەن حابارلامادا.