جەتى كۇنگە سوزىلعان اسكەري ۇشۋ تاكتيكالىق وقۋ- جاتتىعۋلار اياقتالدى - فوتو
وقۋ- جاتتىعۋلار 2016 -جىلعا ارنالعان ق ر قارۋلى كۇشتەرى ءا ق ك اسكەري- اۋە كۇشتەرىن دايارلاۋ جوسپارىنا سايكەس 2016 -جىلعى قىركۇيەكتىڭ 30-ى مەن قازاننىڭ 7- ءى ارالىعىندا اسكەري اۆياتسيا ۇشۋ اپپاراتتارىنىڭ بارلىق تيپتەرىن تارتا وتىرىپ، «قازاقستان»، « قىزىلاعاش»، «سارىشاعان» پوليگوندارىندا وتكىزىلدى.
وقۋ- جاتتىعۋ بارىسىندا ءا ق ك ءا ءا ك- ءنىڭ اسكەري بولىمدەرىن جاۋىنگەرلىك ازىرلىكتىڭ جوعارى دارەجەسىنە كەلتىرۋ، جەدەل اۋە ايلاقتارعا اۆياتسيانى قايتا ورنالاستىرا وتىرىپ، اۋە ايلاقتاردى كۇزەتۋ مەن قورعاۋدى ۇيىمداستىرۋ ماسەلەلەرى پىسىقتالدى.
وقۋ- جاتتىعۋدى وتكىزۋ كەزىندە جەكە قۇرام جەدەل جانە جاۋىنگەرلىك قۇجاتتاردى ازىرلەۋدە وزدەرىنىڭ پراكتيكالىق ماشىقتارىن جەتىلدىردى. وقۋ- جاتتىعۋ شىنايى جاۋىنگەرلىك احۋالعا جاقىنداتىلعان جاعدايدا ورىندالدى. وقۋ- جاتتىعۋدىڭ مىندەتتەرى:
- قابىلدانعان جاۋىنگەرلىك شەشىمنىڭ ءساتتى ىسكە اسىرىلۋىن قامتاماسىز ەتەتىن قاجەتتى مورالدىق- جاۋىنگەرلىك قاسيەتتەردى قالىپتاستىرا وتىرىپ، ۇيرەنۋشىلەردىڭ تاكتيكالىق ويلاۋ قابىلەتىن دامىتۋ؛
- جويعىش- بومبالاۋشى جانە ارميالىق اۆياتسيانىڭ بولجالدى قارسىلاسىنىڭ نىساندارى بويىنشا توپتىق اۆياتسيالىق سوققى جاساۋ، اۋە ۇرىسىن جۇرگىزۋ، سونداي- اق، جويعىش اۆياتسيا قارسىلاسىنىڭ اۋەدەن شابۋىلداۋى مەن اۋەدەن بارلاۋ قۇرالدارىنىڭ سوققىلارىنان اسكەرلەر مەن نىسانداردى تاسالاۋ.
«اتالعان وقۋ- جاتتىعۋ ءارتۇرلى اۆيابازالاردا ەكى ارالاس اۆياتسيالىق توپتامانىڭ قۇرىلۋىمەن ەرەكشەلەندى. وندا كومانديرلەر، ولاردىڭ شتابتارى مەن جەكە قۇرامى ءىس جۇزىندە وزدەرىنىڭ بىلىمدەرىن، تاجىريبەلەرى مەن ۇشۋ داعدىلارىن قولدانا وتىرىپ، اۋەدە ءبىر- بىرىنە قارسى جاۋىنگەرلىك ءىس- قيمىلداردى جۇرگىزدى. اتالمىش ۇشۋ تاكتيكالىق وقۋ- جاتتىعۋ 2016 وقۋ جىلىندا اسكەري- اۋە كۇشتەرىنىڭ جاۋىنگەرلىك ازىرلىگى مەن جاۋىنگەرلىك قابىلەتتىلىگىن تەكسەرۋگە نەگىز بولدى»، - دەپ ءا ءا ك قولباسشىسى اۆياتسيا گەنەرال- مايورى داۋرەن قوسانوۆ اتاپ ءوتتى.
وقۋ- جاتتىعۋدى وتكىزۋ بارىسىندا «اۋە- اۋە» كلاسىنداعى زىمىرانداردان ورىندالعان اۋە نىسانالارى سىنامادان ويداعىداي ءوتىپ، قولدانىلدى. زىمىرانداردىڭ اتالعان ءتيپى جاراقتاندىرۋدان الىندى جانە جاڭعىرتۋ بويىنشا بەلگىلى ءبىر جۇمىستاردى ورىنداعاننان كەيىن جويعىشتاردان باسقارىلاتىن زىمىرانداردىڭ ىسكە قوسىلۋىن پىسىقتاۋ ءۇشىن اۋە مەجەلەرى رەتىندە پايدالانىلادى.