زيانىن بىلە تۇرىپ، ومىرىنە قاۋىپتى ەكەنىن سەزە تۇرىپ، وعان تاۋەكەل جاساۋ - ۇلكەن قاتەلىك. سىزدەرگە تەمەكى شەگەتىن جىگىتتىڭ حاتىن ۇسىنىپ وتىرمىز. بالكىم ويلانارسىز.. .
«.. . قىزىعاسىز. بىلەمىن. قىزىعۋدان باستالاتىن وسى ءبىر قاراپايىم زاتتىڭ ءومىر بويى ىندەتكە اينالىپ كەتەرىنە سەنگەن ەمەسپىن. تاتىپ كورۋ. شەگىپ كورۋ. ءبىر رەت قانا. ءبىر رەت، ەكى، ءۇش.. . ءارى قاراي قانشا رەت ەمەس، قانشا داناسىن شەككەنىمدى ايتا المايمىن. ەسەپسىز.
ەڭ العاش مەكتەپ قابىرعاسىندا ءجۇرىپ ۇيرەندىم. ومىردەگى ۇيرەنگەن ەڭ جامان ءىسىم وسى بولار. سوڭعىسى دا وسى بولسا ەكەن. وكىنىشتى، قوعام مەنى ءارى قاراي قانداي كۇيگە اپاراتىنىن ەسكەرتپەدى. «سىرىن بىلمەگەن اتتىڭ سىرتىنان جۇرمە» دەگەن ءسوزدىڭ ماعىناسىن ەندى ءتۇسىندىم. سىزدەرگە شىلىممەن شىرمالعان ءبىر كۇندىك ومىرىمنەن سىر شەرتەيىن.
تاڭەرتەڭ ويانعاندا ەڭ ءبىرىنشى كەۋدەم قىسىلادى، ەرىكسىز ويانامىن. ويتكەنى كەۋدەمە جينالعان ءتۇتىن ەرىكسىز تۇرعىزادى. ەل قاتارلى تاڭمەن تۇرىپ كۇنگە قاراۋ ارمان بولدى. ەڭ الدىمەن جۋىناتىن بولمەنىڭ ەسىگىن اشامىن. كەۋدەم اۋىرعانشا جوتەلىپ، ەسىم شىعادى. كوز الدىمدا تۇرعان ايناعا قاراپ «ەندى شەكپەسپىن» دەيمىن. بۇل سوزدەر كەۋدەمنىڭ ىشتەن جۇلمالانىپ بارا جاتقان دەرتىنەن كەيىن شىقتى. ءبىراق.. . جۇمىسقا شىعىپ بارا جاتىپ جولاي قورابىمدى الىپ، ىشىنەن ءبىر داناسىن الىپ تۇتاتامىن. اسقازانىمدا ەشتەڭە جوق. ورازامدى دا اشقان جوقپىن. ىشكە ەنگەن ءتۇتىن الاي- دۇلەي بولىپ ميىما كەلەدى. باسىم ءسال تەڭسەلگەنى بولماسا، ءمان بەرمەي جۇرە بەردىم. كۇنى بويى، تۇستىك استان كەيىن بارلىعىن قوسقاندا قوراپتاعى جارتىسىنان كوبىسىن ءبىتىرىپ قويامىن. اسقازانعا ەل قونعاننان كەيىن اسەرى بولمايتىن سەكىلدى كورىنەدى. تەك جوتەل كەتپەيدى. جوق ءسىز ويلاعانداي جوتەل ەمەس، گۇرىلى باسىم، بۇكىل وكپەم دالاعا شىعىپ كەتەتىن سەكىلدى. ءتىپتى دىبىسىنىڭ ءوزى ەرسى. اينالامنان قىسىلىپ تا قالامىن.
كەشكىسىن تاعى دا ءبىر قورابىن الامىن. ۇيگە جەتكەنشە جوتەلىپ كەلەمىن. بارا- بارا جاعىمسىز ءيىس پايدا بولعانىن، اينالامداعى ادامدار ماعان جەك كورىنىشتى كوزبەن قاراعاندارىن اڭعارا باستادىم. ءتىپتى جاقىن ارالاساتىن جاندار دا. «قوي» دەگەندەرىنە «قويامىن» دەۋمەن كەلدىم. كەشكە اۋىرامىن. بۇكىل دەنەم، ءىش قۇرىلىسىم، ەڭ اقىرى تاباننان وتكەن سۋىق سەكىلدى ماڭدايىمنان ءبىر- اق شىعادى.
ءيا، ءسان كوردىم. ءاربىر ەر ازامات شەگۋ كەرەك دەپ ءتۇسىندىم. ءبىراق اداسقان ارمانىمنىڭ قايدا اپارعانىن اڭعارماپپىن. ءدال قازىر جۇگىرە المايمىن، جۇگىرسەم وكپەم اۋىرىپ، تەز شارشايمىن. بۋىندارىم ءسال اۋىر زات كوتەرسە تالىپ، السىزدىك تانىتادى. تەز تەرلەيمىن. ءتىپتى سەبەپسىز تەر شىعىپ، اۋرۋ ادام سەكىلدى كۇيدە بولامىن. ءومىرىم ءبىر كۇنى وسى تەمەكىمەن ءبىتىپ قالارىن دا بىلەمىن. ءبىراق تاۋەلدىلىك مۇنى جەڭىپ شىعۋىما قارسى. ەڭ اقىرى قازىر ىزدەيمىن، ونسىز ويلانا المايتىن سەكىلدىمىن. ءبىراق مۇنىڭ ءبارى سىلتاۋ عانا.
جاس دوس، تەمەكى شەكپە! ءبىر- اق مىسال كەلتىرەيىن، ەڭ العاش كورگەندە قاراڭعى جەرگە بارۋعا سەسكەنەسىڭ. ءبىراق قولىڭا جارىق تۇسكەن كەزدە سەنەن باتىر ادام جوق. جارىقتىڭ دا، باتىرلىقتىڭ دا سوڭى ساعان بەلگىسىز ايماققا باستاپ كەتسە ولاردان پايدا قانشا. ءدال سول سەكىلدى ءوزىڭ تاتىپ كورمەگەن، قىر- سىرىن بىلمەيتىن شىلىمدى العاش شەگۋگە قورقاسىڭ، ونىڭ وزىندە ۇيدەگىلەر ۇستاپ الماسىن دەپ قانا ويلايسىڭ. ءبىراق ءبىر كورۋ مىڭ كورۋگە اپارادى. ەتىڭ ۇيرەنىپ كەتكەن كۇنى وكىنەسىڭ.
ەشتەڭە كەش ەمەس. كەشىگىپ جەتكەن قوناقتىڭ دا توردە ورنى بار. ءوز ءومىرىڭىز ءوز قولىڭىزدا. قۇرتىپ الماڭىز. وسى حاتتى وقىعان بولساڭىز، تەمەكىگە جولاماڭىز. باستاپ قويعان بولساڭىز، تەرەڭىنە كەتپەي تۇرىپ الدىن الىڭىز. باسقاشا جەتكىزە المادىم، ويتكەنى وكىنىش وزەگىمدى ورتەپ بارادى.. .»
massaget.kz