كوناشەنكوۆتىڭ ۆاشينگتون مەن ماسكەۋدىڭ قارىم- قاتىناسى كۇرت ناشارلاعان تۇستا جاساعان بۇل مالىمدەمەسى رەسەيدىڭ سيرياداعى اۋە وپەراتسيالارىنىڭ بارىسى تۋرالى ەڭ قاتقىل ءارى تىكە مالىمدەمە بولدى.
ا ق ش وسى اپتادا رەسەيمەن سيرياداعى قاقتىعىستى توقتاتۋ تۋرالى كەلىسسوزدەن شىعاتىنىن جاريالاعان. سودان بەرى رەسەي جانە سيريا اسكەرىنىڭ الەپپونىڭ كوتەرىلىسشىلەر باقىلاۋىنداعى اۋداندارىنا اۋە شابۋىلدارىنان جۇزدەگەن بەيبىت تۇرعىن مەرت بولدى.
رەسەي وسى اپتادا سيرياعا س-300 زەنيت- زىمىران كەشەندەرىن ورناتىپ، جەرورتا تەڭىزىنە قارا تەڭىز فلوتىنىڭ ءۇش اسكەري كەمەسىن جولدادى. رەسەيدىڭ سيريا جاعالاۋلارىنداعى اسكەري كەمەلەرىنە دە الىس راديۋستا ارەكەت ەتەتىن بىرنەشە س-400 زەنيت زىمىران كەشەنى ورناتىلدى.
امەريكالىق Washington Post باسىلىمى 4 - قازاندا پەنتاگون وكىلدەرى مەن پرەزيدەنت اكىمشىلىگى سيريا ۇكىمەتى اسكەرىنىڭ شەپتەرىنە ولاردىڭ الەپپوعا ۇزدىكسىز شابۋىلىن توقتاتۋ ءۇشىن شەكتەۋلى اۋە سوققىلارىن جاساۋدى تالقىلاپ جاتقانىن حابارلاعان.
«ازاتتىق»